- 2021-11-26 03:10:52
- ផលិតផលថ្មី
MG ចេញឡានអគ្គិសនីថ្មី សាកពេញជិះបាន ៣៨០គ.ម តម្លៃជិត ៣ម៉ឺនដុល្លារ
- 2021-11-26 03:10:52
- ចំនួនមតិ 0 | ចំនួនចែករំលែក 0
MG ចេញឡានអគ្គិសនីថ្មី សាកពេញជិះបាន ៣៨០គ.ម តម្លៃជិត ៣ម៉ឺនដុល្លារ
ចន្លោះមិនឃើញ
ក្រុមហ៊ុន MG បានប្រកាសចេញលក់ជាផ្លូវការនូវរថយន្តម៉ូដែល EP Plus ឆ្នាំ២០២២ ដើម្បីត្រៀមចូលរួមក្នុងសមរភូមិរថយន្តអគ្គិសនី ដែលកំពុងមានការពេញនិយមកាន់តែខ្លាំងឡើង។
រថយន្តអគ្គិសនីនេះ ត្រូវបានឌីហ្សាញឡើងដូចនឹងម៉ូដែល EP ដែរ ប៉ុន្តែមានបន្ថែមដាក់ដែកលើដំបូលដែលផ្ទុកឥវ៉ាន់បានដល់ ៧៥គីឡូក្រាម។ វាមានប្រវែង ៤៥៤៤មម ទទឹង ១៨១៨មម កម្ពស់ ១៥៤៣មម និងមានគម្លាតពីកង់ទៅកង់ក្រោយ ២៦៦៥មម។
រថយន្ត MG EP Plus បំពាក់ចង្កៀងមុខ Halogen projector, ចង្កៀងមុខស្វ័យប្រវត្តិ, អំពូល LED daytime running light និងចង្កៀងស្តុបក្រោយជាប្រភេទ LED។
ផ្នែកខាងក្នុងរថយន្ត គឺមានពូកស្បែក ដៃចង្កូតមានប៊ូតុងសម្រាប់ចុចបញ្ជា កុងទ័រឌីជីថល ៧អ៉ីញ ប្រព័ន្ធកម្សាន្ត Touchscreen ទំហំ ៨អ៉ីញ ដែលអាចភ្ជាប់ Apple CarPlay, កាមេរ៉ាមើលពេលរ៉ឺយែរ, ហ្រ្វាំងដៃស្វ័យប្រវត្តិដែលមាន Auto Hold និងប្រព័ន្ធម៉ាស៊ីនត្រជាក់ឌីជីថល។
ចំណែកប្រព័ន្ធសុវត្ថិភាពដែលត្រូវបានបំពាក់លើរថយន្តនេះ រួមមាន៖ ប្រព័ន្ធគ្រប់គ្រងលំនឹង (Stability Control), ប្រព័ន្ធគ្រប់គ្រងហ្វ្រាំង (cornering brake control), ប្រព័ន្ធ Traction Control ដែលជួយទប់រថយន្តមិនឱ្យរអិល, ប្រព័ន្ធជំនួយមិនឱ្យរថយន្តរអិលថយក្រោយពេលឡើងចំណោត, ប្រព័ន្ធឱ្យសញ្ញាអាសន្ន, ពោងសុវត្ថិភាព, និងប្រព័ន្ធហ្វ្រាំង ABS/EBD/EBA ជាដើម។
រថយន្ត MG EP Plus ឆ្នាំ២០២២ បំពាក់ម៉ូទ័រអគ្គិសនី Permanent Magnet Synchronous Motor ដែលមានកម្លាំង ១៦៣សេះ និងកម្លាំងរមួល ២៦០ញូ៊វតុនម៉ែត្រ។ វាប្រើអាគុយប្រភេទ lithium-ion អាចផ្ទុកភ្លើងបាន ៥០,៣គីឡូវ៉ាត់ម៉ោង ដោយពេលសាកពេញម្តង អាចធ្វើដំណើរបានដល់ចម្ងាយ ៣៨០គីឡូម៉ែត្រ។
MG បានដាក់លក់រថយន្តនេះក្នុងប្រទេសថៃ តម្លៃ ៩៨៨ ០០០បាត ឬប្រហែលជាង ២៩ ០០០ដុល្លារអាមេរិក៕
ចង់បានរថយន្តថ្មី ប៉ុន្តែមិនមានប្រាក់គ្រប់គ្រាន់ សូមកុំបារម្ភ! លោកអ្នកអាចស្នើសុំឥណទាន រថយន្តរបស់ធនគារ CIMB ដែលផ្តល់ជូនអត្រាការប្រាក់ពិសេស ៨,៥% ទំហំឥណទានដល់ ៧០% និងរយៈពេលឥណទានដល់ ៥ឆ្នាំទៀតផង។ សម្រាប់ព័ត៌មានលម្អិតសូមជជែកជាមួយមន្ត្រីឥណទានរថយន្តរបស់ធនាគារ CIMB ដោយផ្ទាល់ តាមរយៈលេខទូរសព្ទ 096 669 2222 / 092 667 375៕