- 2021-11-22 04:18:49
- ផលិតផលថ្មី
នាឡិកាវៃឆ្លាតថ្មីរបស់ Huawei សាកថ្មពេញកាន់បាន ១៤ថ្ងៃ មានមុខងារត្រូវម៉ាច់បំផុតសម្រាប់អ្នកលេងកីឡា តម្លៃជាង ៣០០ដុល្លារ
- 2021-11-22 04:18:49
- ចំនួនមតិ 0 | ចំនួនចែករំលែក 0
នាឡិកាវៃឆ្លាតថ្មីរបស់ Huawei សាកថ្មពេញកាន់បាន ១៤ថ្ងៃ មានមុខងារត្រូវម៉ាច់បំផុតសម្រាប់អ្នកលេងកីឡា តម្លៃជាង ៣០០ដុល្លារ
ចន្លោះមិនឃើញ
ក្រុមហ៊ុន Huawei ទើបតែបញ្ចេញនូវនាឡិកាវៃឆ្លាតថ្មីរបស់ខ្លួនម៉ូដែល GT Runner ដែលកាន់ថ្មបានយូរ មានមុខងារច្រើនភ្ជាប់មកជាពិសេសសម្រាប់អ្នកចូលចិត្តលេងកីឡា ប៉ុន្តែតម្លៃរាងថ្លៃគួរសម។
នាឡិកាវៃឆ្លាត GT Runner មានទំហំ ៤៦មម ប្រើកញ្ចក់ AMOLED ទំហំ ១,៤៣អ៉ីញ និងមានទម្ងន់ស្រាលត្រឹមតែ ៣៨,៥ក្រាម។ នាឡិកានេះ ដំណើរការដោយប្រព័ន្ធប្រព័ន្ធប្រតិបត្តិការ HarmonyOS និងមានអង្គផ្ទុកទិន្នន័យក្នុងម៉ាស៊ីន 4GB។
Huawei GT Runner ត្រូវបានបំពាក់សេនស័រវាស់ចង្វាក់បេះដូងជំនាន់ទី៥ របស់ក្រុមហ៊ុននេះផ្ទាល់គឺ TruSeen 5.0 optical, មុខងារវាស់កម្រិតអុកស៊ីហ្សែនក្នុងឈាម Sp02 និងមុខងារតាមដានសកម្មភាពនានាដល់ជាង ១០០ម៉ូដ ដែលពិសេសបំផុតសម្រាប់អ្នកលេងកីឡា។ ក្រៅពីនេះ វាមានមុខងារ GNSS positioning, NFC និង Bluetooth ដែលអាចភ្ជាប់ជាមួយទូរសព្ទក្នុងការខលបាន និងមានអាវក្រោះការពារជ្រាបទឹកប្រភេទ 5ATM។
អ្វីដែលគួរឱ្យចាប់អារម្មណ៍បំផុតពីនាឡិកាវៃឆ្លាតនេះ គឺពេលសាកថ្មពេញតែម្តងអាចកាន់បានដល់ ១៤ថ្ងៃ ប៉ុន្តែបើអ្នកប្រើប្រាស់ច្រើន វាធ្លាក់មកនៅត្រឹម ៧ថ្ងៃប៉ុណ្ណោះ តែយ៉ាងណានេះគឺជារយៈពេលកាន់ថ្មបានយូរបំផុត បើប្រៀបធៀបនឹងនាឡិកាវៃឆ្លាតមួយចំនួន។
Huawei Watch GT Runner នឹងត្រូវដាក់លក់ជាផ្លូវការក្នុងប្រទេសចិន នាថ្ងៃទី២៦ វិច្ឆិកា ក្នុងតម្លៃ ២១៨៨យ័ន ឬប្រមាណ ៣៤៣ដុល្លារអាមេរិក ដែលមានជម្រើសពណ៌ប្រផេះ និងខ្មៅ៕
