ខណៈដែល​ក្រុមហ៊ុនស្មាតហ្វូនចិន កំពុងប្រជែង​គ្នា​លើ​បច្ចេកវិទ្យាសាកថ្ម ពិសេស​គឺ​ការដាក់ឆ្នាំង​សាកលឿន នៅលើស្មាតហ្វូនរបស់ពួកគេនោះ ថ្មីៗនេះ មានការលេចធ្លាយថា ស្មាតហ្វូន​ចំនួន ៥ម៉ូដែលរបស់ក្រុមហ៊ុន OPPO, realme និង OnePlus ដែល​បញ្ចេញ​នៅឆ្នាំក្រោយ គឺមាន​ភ្ជាប់មកជាមួយឆ្នាំងសាក ១២៥វ៉ាត់។

ស្មាតហ្វូនទាំង​៦ម៉ូដែល​នោះរួមមាន realme GT2 Pro, OPPO Find X4 និង X4 Pro, OnePlus 10 Pro, OPPO Reno 8 Pro និង​ OPPO ត្រកូល N។

-realme GT 2 Pro៖ ស្មាតហ្វូននេះ នឹងបំពាក់អេក្រង់ AMOLED ទំហំ ៦,៥១អ៉ីញ ជាមួយកម្រិត​បង្ហាញ​រូបភាព 1080x2400p។ វា​អាច​នឹងមាន​កាមេរ៉ា ៣ ដែលមានទំហំ 108MP, 8MP និង 5MP និងកាមេរ៉ាស៊ែលហ្វីទម្លុះអេក្រង់ 32MP។ វាក៏ទំនង​ជាដំណើរការដោយ Android 12 ឈីប Snapdragon 888+ និង​ថ្ម 5000mAh។

-OPPO Find X4៖ ស្មាតហ្វូន​នេះ អាចនឹង​បំពាក់​ឈីប​ខ្លាំង​ចុងក្រោយបំផុតគឺ Snapdragon 898 និង​ទំហំ​ថ្មតែ 4000mAh ជាមួយឆ្នាំងសាក ១២៥វ៉ាត់ គេជឿជាក់ថា សាកពី០ ដល់ ១០០% ចំណាយពេល​ប្រហែល ២០នាទី។

-OnePlus 10 Pro៖ ស្មាតហ្វូននេះ នឹង​បំពាក់​អេក្រង់ Fluid AMOLED ទំហំ ៦,៧អ៉ីញ ដែលមាន​កម្រិតបង្ហាញ​រូបភាព 1440 x 3216P។ មិនច្បាស់ថា វានឹង​ប្រើឈីប Snapdragon 898 ឬអត់ទេ ប៉ុន្តែថ្មរបស់វាគឺមានទំហំ 5000mAh៕