CEO Apple លោក Tim Cook បានប្រកាសជាសាធារណៈដំបូងថា ខ្លួនលោកផ្ទាល់កំពុងវិនិយោគលើលុយគ្រីបតូ និងចាប់អារម្មណ៍ពីវាមួយរយៈហើយ នេះបើយោងទៅតាមការអត្ថាធិប្បាយរបស់លោក នៅក្នុងកិច្ចប្រជុំកំពូល The New York Times "DealBook" កាលពីថ្ងៃទី៩ ខែកញ្ញា កន្លងទៅ។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

យ៉ាងណា គេមិនបានដឹងទេថា តើនាយកប្រតិបត្តិវ័យ ៦១ឆ្នាំ រូបនេះ បានវិនិយោគទៅលើគ្រីបតូអ្វីខ្លះ និងមានទំហំទឹកប្រាក់ប៉ុន្មាននោះទេ។

លោកក៏បានផ្ដល់ដំបូន្មានដែរថា មិនឱ្យនរណាម្នាក់វិនិយោគលើវិស័យនេះឡើយ។

បន្ថែមពីរឿងវិនិយោគផ្ទាល់ខ្លួន Cook ក៏បានបន្ថែមថា Apple ក៏កំពុងសំឡឹងមើលពីវិស័យលុយឌីជីថលនេះផងដែរ ប៉ុន្ដែមិនឆាប់ៗនោះទេ គឺសំដៅទៅលើការទូទាត់ចំណាយផ្សេងៗ ឬ Apple Pay ដោយប្រើរូបិយបណ្ណប្រភេទថ្មីនេះ។

គួរបញ្ជាក់ថា កាលពី ខែឧសភា កន្លងទៅ Apple ទើបប្រកាសជ្រើសរើស ថ្នាក់ដឹកនាំផ្នែកអភិវឌ្ឍន៍អាជីវកម្ម ដែលមានបទពិសោធន៍ទូទាត់រូបិយបណ្ណឌីជីថល ក៏ដូចជារកដំណោះស្រាយដទៃទៀតក្នុងការទូទាត់ប្រាក់។ នេះបើយោងទៅតាមដំណឹងជ្រើសរើសបុគ្គលិក នៅគេហទំព័រផ្លូវការរបស់ Apple ផ្ទាល់៕