ក្រុមអ្នករៀបចំកម្មវិធី CamTech Summit​ 2021 ដែលនាំមកជូនដោយក្រុមហ៊ុនព្រូដិនសលកម្ពុជា មានសេចក្តីសោមនស្សរីករាយក្នុងការប្រកាសជូនលោកអ្នកពីបញ្ជីឈ្មោះម្ចាស់ឧបត្ថម្ភកម្មវិធីសម្រាប់ព្រឹត្តិការណ៍ដ៏អស្ចារ្យមួយនេះ។

ម្ចាស់ឧបត្ថម្ភកម្មវិធីបានដើរតួនាទីយ៉ាងសំខាន់សម្រាប់ភាពជោគជ័យរបស់កម្មវិធីទាំងអស់ តាមរយៈការនាំយកមកនូវចំណេះដឹងពីអ្នកជំនាញ និងដៃគូសំខាន់ៗរបស់ពួកគេ ព្រមទាំងការពង្រីកវិសាលភាពនៃការទទួលបានព័ត៌មានសម្រាប់មហាជន ហើយក៏ផ្ដល់ជាវេទិកាមួយសម្រាប់ស្វែងយល់បន្ថែមអំពីភាពច្នៃប្រឌិតថ្មីៗ នាពេលខាងមុខតាមរយៈការបង្ហាញនូវផលិតផល និងសេវាកម្មនានា។

ក្រុមហ៊ុនធានារ៉ាប់រងអាយុជីវិត ព្រូដិនសលកម្ពុជា គឺជាម្ចាស់ឧបត្ថម្ភកម្មវីធីធំសម្រាប់ព្រឹត្តិការណ៍ CamTech Summit សម្រាប់ឆ្នាំ២០២១នេះ។ ម្ចាស់ឧបត្ថម្ភកម្មវិធី ប្រភេទ Silver នៃព្រឹត្តិការណ៍នេះមានដូចជា សហគ្រិនខ្មែរ (Khmer Enterprise), អេអឹមខេ មីក្រូហិរញ្ញវត្ថុ, ធនាគារហ្វីលីព ភីអិលស៊ី, ធនាគារ ព្រីនស៍ ភីអិលស៊ី, និង ក្រុមហ៊ុន Visa។ ​

ម្ចាស់ឧបត្ថម្ភកម្មវិធី ប្រភេទ Bronze នៃព្រឹត្តិការណ៍នេះមានដូចជា ក្រេឌីត ប្យួរ៉ូ (ខេមបូឌា) ខូ អិលធីឌី, ធនាគារអេស៊ីលីដា ភីអិលស៊ី, អុី-ម៉ាន់នី ផេមុិន សឺលូសិន ម.ក, ធនាគារ ជេ ត្រាស់ រ៉ូយ៉ាល់, ធនាគារ​ភ្នំពេញ​ពាណិជ្ជ​ ម.ក,​ ទ្រូ ម៉ាន់នី (ខេមបូឌា) ម.ក និង ធនាគារ វីង (ខេមបូឌា) ភីអិលស៊ី។ សម្រាប់ DQD Consulting Co. Ltd, W-source Ltd អាយផេ 88 និង បាគង បានចូលរួមគាំទ្រព្រឹត្តិការណ៍នេះ ក្នុងនាមជាដៃគូមាតិកា។ ចំណែកដៃគូប្រព័ន្ធផ្សព្វផ្សាយមានដូចជា Cambodia Investment Review, FreshNews, KhmerTimes, Sabay និង PRNewswire។

ព្រឹត្តិការណ៍ CamTech Summit 2021 នាំមកជូនដោយក្រុមហ៊ុនធានារ៉ាប់រងអាយុជីវិត ព្រូដិនសលកម្ពុជា ដែលមានរយៈពេល ៥ថ្ងៃ ចាប់ពីថ្ងៃទី០៨ ដល់ ថ្ងៃទី១២ ខែវិច្ឆិកា ក្រោមប្រធានបទទាក់ទងទៅនឹងវិស័យបច្ចេកវិទ្យាផ្នែកហិរញ្ញវត្ថុ និងវិស័យបច្ចេកវិទ្យាផ្សេងទៀត។ CamTech Summit 2021 ត្រូវបានរៀបចំឡើងដោយសមាគមសហពន្ធ័ហិរញ្ញវត្ថុ និងបច្ចេកវិទ្យានៃកម្ពុជា(CAFT) សហការជាមួយធនាគារជាតិនៃកម្ពុជា (NBC) សមាគមធនាគារនៃកម្ពុជា (ABC) និងសមាគមមីក្រូហិរញ្ញវត្ថុនៃកម្ពុជា (CMA) ហើយព្រឹត្តិការណ៍នេះជាដៃគូមួយក្នុងចំណោមដៃគូទាំង ១១ នៃព្រឹត្តិការណ៍ World Fintech Festival ដែលនឹងប្រព្រឹត្តិទៅនៅថ្ងៃទី ១១-១២ ខែវិច្ឆិកា ឆ្នាំ ២០២១។

សម្រាប់ព័ត៌មានលម្អិតបន្ថែម សូមចូលទៅកាន់គេហទំព័រ www.camtechsummit.com។