Mengly Gaming បញ្ជាក់ច្បាស់ៗពីអាជីពជា Streamer របស់ខ្លួននៅថ្ងៃមុខ

2021-10-20 01:43:16
ព័ត៌មាន

2021-10-20 01:43:16
ចំនួនមតិ 0 | ចំនួនចែករំលែក 0

ចន្លោះមិនឃើញ

មុនពេលសាងភាពល្បីល្បាញដូចសព្វថ្ងៃ Mengly Gaming ដែលមានឈ្មោះពិតថា សាន ម៉េងលី គ្រាន់តែជាអ្នកចូលចិត្តលេងហ្គេម ក៏ឆ្លៀតពេលទំនេរទិញឌីសហ្គេមមកលេងកម្សាន្ត និងថត Stream ទុកជាវីដេអូគ្រាន់មើលកម្សាន្តជាមួយមិត្តភក្តិប៉ុណ្ណេះ។

ជាមនុស្សមិនសូវចូលចិត្តដើរលេងក្រៅច្រើន ចំណាយពេលវេលានៅតែផ្ទះ មូលហេតុនេះហើយបានធ្វើឲ្យ Mengly យកពេលលេងហ្គេមកំដរអផ្សុក ចាប់ផ្ដើមបន្តថតវីដេអូ និងឡាយហ្គេមនេះរហូតដល់បច្ចុប្បន្ន ជាអ្នកឡាយហ្គេមនៅលើហ្វេសបុក និងទទួលបានការគាំទ្រជាច្រើន។

Mengly ប្រាប់ថាដំបូងខ្លួនចង់ក្លាយខ្លួនជាអ្នករកសុីដើម្បីឲ្យមានបុខរបស់ជាប់មួយ តែនៅពេលខ្លួនចាប់អាជីពជា Streamer នៅចុងឆ្នាំ២០១៨ និងបានស្វ័យយកកាន់តែច្រើនពីអាជីពនេះ ទើបលោកសម្រេចចិត្តមិនបោះបង់អាជីពនេះឡើង នឹងបន្តធ្វើវារហូតឲ្យតែមានអ្នកគាំទ្រ។

Mengly ប្រាប់ថាមូលហេតុដែលលោកលេងហ្គេមមិនដែលធុញគឺហ្គេមតែងតែមានអ្វីដែលថ្មីរហូត ពីមួយឆ្នាំទៅមួយឆ្នាំ និងមានហ្គេមជាច្រើនដែលអ្នកចូលចិត្តអាចជ្រើសយកមកលេងកម្សាន្តដើម្បីវិវត្តន៍គំនិតរបស់ខ្លួន។ Mengly បន្តថាវាមិនមែនជារឿងងាយឡើយមុនមកដល់ចំណុចនេះ ដែលលោកក៏បានជួបឧបសគ្គជាច្រើនដូចជាគ្រួសារដែលតែងតែមិនចង់ឲ្យលោកលេងហ្គេម និងសង្គមជុំវិញខ្លួន មើលមកថាជារឿងមិនល្អដែលតែងតែជួបប្រទះជារៀងរាល់ថ្ងៃ។

លោកថាបច្ចប្បន្នខ្លួនបានចាប់អាជីពជា Streamer នេះពេញលេញដូចនេះលោកទទួលបាន Sponsor និងការងារទាក់ទង់ជាមួយវិស័យ E-sport ដូចជាអ្នកអធិប្បាយហ្គេម (Caster) ពេលប្រកួតកីឡាអេឡិចត្រូនិតធំៗប្រចាំស្រុកខ្មែរ។ តាមពាក្យសម្ដីប្រាប់មកកាន់ Sabay កំលោះសង្ហារពូកែវ៉ូហារស័ព្ទនេះថាអាជីពជា Streamer នេះលោកមិនបោះបង់វាចោលឡើយនៅតែបន្តធ្វើវារហូត គឺធ្វើយ៉ាងណាស្វែងរកអ្វីដែលថ្មីដើម្បីផ្ដល់ភាពសប្បាយរីករាយ និងចំណេះដឹងទៅកាន់ហ្វេសៗរបស់ខ្លួនដើម្បីជាប្រយោជន៍៕

អត្ថបទ៖ ម៉េងងី