- 2021-10-14 08:32:09
- ផលិតផលថ្មី
realme ទើបបញ្ចេញ GT Neo 2 ប្រើឈីប Snapdragon 870 និងសាកថ្មពេញត្រឹម ៣៦នាទី តម្លៃតែ៤០០ដុល្លារ
- 2021-10-14 08:32:09
- ចំនួនមតិ 0 | ចំនួនចែករំលែក 0
realme ទើបបញ្ចេញ GT Neo 2 ប្រើឈីប Snapdragon 870 និងសាកថ្មពេញត្រឹម ៣៦នាទី តម្លៃតែ៤០០ដុល្លារ
ចន្លោះមិនឃើញ
Realme ទើបតែបានប្រកាសចេញស្មាតហ្វូន flagship ថ្មីរបស់ខ្លួន គឺ GT Neo 2 នៅប្រទេសឥណ្ឌា ដែលមានគោលដៅលើអ្នកប្រើប្រាស់ជា Gamer។
ស្មាតហ្វូនសែស្រឡាយ GT នេះ មានរូបរាងសាមញ្ញដូចទៅហ្នឹងស្មាតហ្វូនមួយចំនួនទៀតដែរ ដោយមានផ្ទៃអេក្រង់លាតពេញទំហំ ៦,៦២អ៊ិញ ប្រភេទកញ្ចក់ AMOLED កម្រិតបញ្ចេញរូបភាព FULL HDនិងទម្លុះដោយកាមេរ៉ាសែលហ្វី។
ផ្នែកសន្ទះខាងក្រោយ គឺមានជម្រើសពណ៌បៃតង ខៀវ និងខ្មៅ ។ សម្រាប់ GT Neo 2 ពណ៌បៃតង ដែល Realme បង្ហាញនោះគឺមានឆ្នូតពណ៌ខ្មៅធំមួយខ្សែ និងតូចមួយខ្សែសរសេរពាក្យ DARE TO LEAP។ ប៉ុន្តែអ្វីដែលគេនឹងឃើញមុនគេនោះ ជាកាមេរ៉ាក្រោយ ៣គ្រាប់ ដោយមានទំហំ 64MP (primary), 8MP ultra wide angle និង 2MP (macro shooter)។
ដោយខុសពីសិស្សច្បងដែលប្រើឈីប Snapdragon 888 សិស្សប្អូន Realme GT Neo 2 ប្រើឈីប Snapdragon 870។ ស្មាតហ្វូននេះ មានពីរជម្រើសចំពោះទំហំផ្ទុក និង RAM ពោលគឺ RAM 8GB ទំហំផ្ទុក 128GB តម្លៃប្រហែល ៤២៥ដុល្លារ និង RAM 12GB ទំហំផ្ទុក 256GB តម្លៃប្រហែល ៤៧៥ដុល្លារ។
អ្វីដែលកាន់តែគួរឱ្យចាប់អារម្មណ៍ពី GT Neo 2 គឺមានថ្មធំជាង GT ពោលគឺមានទំហំ 5000mAh និងភ្ជាប់មកជាមួយឆ្នាំងសាកលឿន 65W។ Realme អះអាងថា ឆ្នាំងសាកនេះអាចសាកថ្មពី ០ ទៅពេញ ១០០% ចំណាយពេលតែ ៣៦នាទីប៉ុណ្ណោះ ប៉ុន្តែមិនមានឆ្នាំងសាកឥតខ្សែនោះទេ៕