• 2021-10-13 02:58:10
  • ព័ត៌មាន

Streamer កំពុង​មាន​ឈ្មោះ​បោះ​សម្លេង​ Mengly Gaming ចែក​រំលែក​បទពិសោធន៍​ មុនពេល​មក​ដល់​ចំណុច​នេះ

  • 2021-10-13 02:58:10
  • ចំនួនមតិ 0 | ចំនួនចែករំលែក 0

ចន្លោះមិនឃើញ

កំពុង​មាន​ឈ្មោះ​បោះ​សម្លេង​ក្នុង​អាជីព Streamer នៅ​ខ្មែរ Mengly Gaming មាន​ឈ្មោះ​ពិត​ថា សាន ម៉េងលី មាន​អាយុ ២៣ឆ្នាំជា​អ្នក​រស់​នៅ​ភ្នំពេញ និង​បាន​បញ្ចប់​ការ​សិក្សា​របស់​ខ្លួន​ត្រឹម​ឆ្នាំទី១ ប៉ុណ្ណេះ​ដោយ​ជីវភាព​ខ្វះខាត។ បច្ចុប្បន្ន​កំពុង​ចាប់​អាជីព​ជា​អ្នក​ឡាយ​ហ្គេម​នៅ​លើ​ហ្វេសបុក និង​ទទួល​បាន​ការ​គាំទ្រ​ជាច្រើន។ ចង់​ដឹង​ថា Mengly ចាប់​ផ្ដើម​អាជីព​នេះ​ដំបូង​បែប​ណា និង​ចែក​រំលែក​បទពិសោធន៍​អ្វី​ខ្លះ​មក​តាម​ដាន​ទាំង​អស់​គ្នា។

អំឡុង​ពេល​បញ្ឈប់​ការ​សិក្សា​របស់​ខ្លួន Mengly ងាក​មក​រក​ប្រាក់​​ដើម្បី​ជួយ​ផ្គត់​ផ្គង់​គ្រួសារ តែ​ដោយ​សារ​ខ្លួន​ជា​មួយ​ចូល​ចិត្ត​លេង​ហ្គេម ក៏​ឆ្លៀត​ពេល​ទំនេរ​ទិញ​ឌីស​ហ្គេម​មក​លេង​កម្សាន្ត និង​ថត Stream ទុក​ជា​វីដេអូ​គ្រាន់​មើល​កម្សាន្ត​ជា​មួយ​មិត្ត​ភក្តិ​ប៉ុណ្ណេះ។ ជា​មនុស្ស​មិន​សូវ​ចូល​ចិត្ត​ដើរ​លេង​ក្រៅ​ច្រើន មាន​ពេល​វេលា​នៅ​តែ​ផ្ទះ មូលហេតុ​នេះ​ហើយ​បាន​ធ្វើ​ឲ្យ Mengly យក​ពេល​លេង​ហ្គេម​កំដរ​អផ្សុក។

ជា​កូន​ពៅ​ក្នុង​គ្រួសារ​មាន​បងប្អូន ៣នាក់ Mengly ប្រាប់ថា​ដំបូង​ខ្លួន​ចង់​ចាប់​អាជីព​ជា​អ្នក​រក​សុី​​ដើម្បី​ធ្វើ​ជា​មុខ​របស់​ជាប់មួយ តែនៅពេល​ខ្លួន​ចាប់​អាជីពជា Streamer ​នៅ​ចុងឆ្នាំ២០១៨ និង​បាន​ស្វ័យ​យក​កាន់​តែ​ច្រើន​ពី​អាជីព​នេះ ទើប​លោក​សម្រេច​ចិត្ត​ឈប់​រៀន តែ​នៅ​ចាប់​អាជីព​អ្នក​ឡាយ​ហ្គេម​មក​ទើប​ដឹង​ថា​នេះ​គឺ​ជា​ការងារ​ដែល​ខ្លួន​ចូល​ចិត្ត​ ។ លោក​ថា​ក្រោយ​ពេល​ចាប់​អាជី​ព​នេះ​មក​លោក​​មិន​សូវ​មាន​ពេល​ទំនេរ​ច្រើន​ដូច​មុន​ឡើយ។

លេង​ហ្គេម​រាល់​ថ្ងៃ​រហូត​ក្លាយជា​អ្នក Stream ដល់​បច្ចុប្បន្ន Mengly ប្រាប់​ថា​មូលហេតុ​ដែល​លោក​លេង​ហ្គេម​មិន​ដែល​ធុញ​គឺ​ហ្គេម​តែង​តែ​​មាន​អ្វី​ដែល​ថ្មី​រហូត ពីមួយឆ្នាំទៅមួយឆ្នាំ និង​មាន​ហ្គេម​ជា​ច្រើន​ដែល​អ្នក​ចូល​ចិត្ត​អាច​ជ្រើស​យក​មក​លេង​កម្សាន្ត​ដើម្បីវិវត្តន៍គំនិត​របស់​ខ្លួន។

មុនដើរ​មក​ដល់​ចំណុច​នេះ Mengly ប្រាប់​ថា​លោក​ក៏​បាន​ជួប​ឧបសគ្គ​ជា​ច្រើន​ដូច​ជា​គ្រួសារ​ដែល​តែង​តែ​មិន​ចង់​ឲ្យ​លោក​លេង​ហ្គេម ព្រោះ​ពួក​គាត់​គិត​ថា​ជា​រឿង​ឥត​ប្រយោជន៍ និង​ចង់​ឲ្យ​លោក​រក​ការ​ងារ​ធ្វើ​ដើម្បី​អនាគត មួយ​ទៀត​គឺ​សង្គម​ជុំវិញ​ខ្លួន​លោក ដែល​តែង​តែ​ជួប​ប្រទះ​ជា​រៀង​រាល់​ថ្ងៃ​រហូត​មក​ដល់​បច្ចុប្បន្ន តែ​លោក​ថា​នៅ​ពេល​នេះ​ពុំសូវ​មាន​ច្រើន​ឡើយ​ដោយ​សារ​គេ​មើល​ឃើញ​ពី​ការ​ងារ​របស់​លោក​ក្នុង​វិស័យ​នេះ​ ដែល​ចេះ​តែរត់​មក​រក​លោកជា​ហូរហែ។

ជា​កូន​ពៅ​ក្នុង​គ្រួសារ​តែង​តែទទួល​បាន​ការ​អារម្មណ៍​ពី​ម៉ាក់​ប៉ា​ជា​រឿង​ធម្មតា​ដែល​ចង់​ឃើញ​ខ្លួន​មាន​ការ​ងារ​ល្អ​មិន​ចង់​ឲ្យ ឡាយ​ហ្គេម​ព្រោះ​គិត​ថា​ជា​រឿង​មិន​ល្អ​តែ​ដល់​ពេល​បច្ចុប្បន្ន​នៅ​លោក​អាច​រក​ចំណូល​បាន​បី​អាជីព​មួយ​នេះ​ក៏​បាន​ធ្វើ​ឲ្យ​គ្រួសារ​មិន​អារម្មណ៍​ដូច​មុន និង​កាន់​តែ​មាន​ទំនាក់​ទំនង​ល្អ​ធម្ម​តា។ លោកថា​បច្ចប្បន្ន​ខ្លួន​បាន​ចាប់​អាជីព​ជា Streamer នេះ​ពេញលេញ​ដូច​នេះ​លោក​ទទួល​បាន Sponsor និងការ​ងារ​ទាក់​ទង់​ជា​មួយ​វិស័យ E-sport ដូចជា​អ្នក​អធិប្បាយ​ហ្គេម​ពេល​ប្រកួត ធ្វើ​វីដេអូ និង​ឡាយ​ជា​ដើម ដែល​ធ្វើ​ឲ្យ​រក​ពេល​ទំ​នេរ​មិម​មាន​ផង។

តាម​ពាក្យ​សម្ដី​ប្រាប់​មក​កាន់ Sabay កំលោះ​សង្ហារ​ពូកែ​វូ​ហារ​ស័ព្ទ​នេះ​ថា​អាជីពជា Streamer នេះ​លោក​មិន​បោះបង់​វា​ចោល​ឡើយ​នៅតែ​បន្ត​ធ្វើ​វា​រហូត គឺ​ធ្វើ​យ៉ាង​ណា​ស្វែង​រក​អ្វី​ដែល​ថ្មី​ដើម្បី​ផ្ដល់​ភាព​សប្បាយរីករាយ និង​ចំណេះ​ដឹង​ទៅ​កាន់​ហ្វេសៗ​របស់​ខ្លួន​ដើម្បី​ជា​ប្រយោជន៍។ កន្លង​មក ម៉េងលី ក៏ធ្លាប់​បាន​ចូល​ប្រកូត​ហ្គេម​ផង​ដែរ​មាន​ដូច​ជា PUBG ហ្គេម Valorant ជាដើម។

ម៉េងលី ក៏បាន​ផ្តាំ​ទៅ​កាន់​អ្នក​ដែល​ចូល​ចិត្ត​លេង​ហ្គេម​ទាំង​អស់​ត្រូវ​លេង​ហ្គេម​ដើម្បី​សប្បាយ និង​ដើម្បី​អប្បដិវត្តន៍​ខួរក្បាល ពិសេស​លេង​ដើម្បី​កដរ​ភាព​អផ្សុក មិន​លេង​ដម្បី​យក​ឈ្នោះ​ចាញ់​ដាច់​បាយ​ដាច់​ទឹក​ធ្វើ​ឲ្យ​ខ្លួន​លំបាក​នេះ​ទេ។ លើ​ពី​នេះ ម៉េងលី ក៏​មាន​ពាក្យ​អរគុណ​ទៅកាន់​ហ្វេន​ដែល​ជួយ​គាំទ្រ​ពេល​កន្លង​មក ពិសេស​គ្រួសារ​ដែល​តែង​តែ​ជួយ​លើ​ទឹក​ចិត្ត​រហូត៕​

អត្ថបទ៖ ម៉េងងី

មតិយោបល់