- 2021-10-11 09:27:38
- ផលិតផលថ្មី
ឆ្នាំងសាករបស់ Galaxy S22 Ultra និង S22 Plus សាកពី០ ដល់ពេញ ១០០% ចំណាយពេលតែកន្លះម៉ោង
- 2021-10-11 09:27:38
- ចំនួនមតិ 0 | ចំនួនចែករំលែក 0
ឆ្នាំងសាករបស់ Galaxy S22 Ultra និង S22 Plus សាកពី០ ដល់ពេញ ១០០% ចំណាយពេលតែកន្លះម៉ោង
ចន្លោះមិនឃើញ
ការសាកថ្មស្មាតហ្វូន គឺជាបញ្ហាដ៏សំខាន់ដែលអ្នកប្រើប្រាស់តែងតែគិតគូរ មុនពេលសម្រេចចិត្តទិញ ពោលគឺពិនិត្យមើលទំហំឆ្នាំងសាក ថាតើវាល្បឿនលឿនប៉ុនណា។
កង្វល់នេះ ត្រូវបាន Samsung ផ្តល់ដំណោះស្រាយ ដែលអាចវាយដណ្តើមទីផ្សារនៅដើមឆ្នាំក្រោយបាន ដោយយោងតាមប្រភព Techmaniacs ឱ្យដឹងថា Samsung នឹងដាក់ភ្ជាប់មកជាមួយឆ្នាំងសាក ៤៥វ៉ាត់ លើ Galaxy S22 Ultra និង S22 Plus។
Samsung បានសម្រេចជោគជ័យរួចមកហើយចំពោះការប្រើឆ្នាំងសាក ២៥វ៉ាត់ របស់ Galaxy S21 Ultra ដោយចំណាយពេលតែ១ម៉ោង គឺសាកថ្មស្មាតហ្វូននេះដែលមានទំហំ ៥០០០mAH បានពេញ ១០០ភាគរយ ទៅហើយ ហើយបើប្រើឆ្នាំងសាកដល់ ៤៥វ៉ាត់ នោះអាចសាកថ្មត្រឹមកន្លះម៉ោងតែប៉ុណ្ណោះ។
ប្រភពខាងលើ ក៏បានចាប់អារម្មណ៍ទៅលើកាមេរ៉ារបស់ស្មាតហ្វូនថ្មីទាំងពីរនេះផងដែរ ក្នុងនោះ S22 Ultraមានកាមេរ៉ាទំហំដល់ទៅ ១០៨MP និង S22 Plus ទំហំ ៥០MP។ អេក្រង់របស់ S22 Ultra គឺមានទំហំ ៦,៨អ៊ិញ ល្បឿន ១២០Hz ខណៈ S22 Plus មានទំហំ ៦,៦អ៊ិញ ដោយពួកវាបំពាក់ឈីប Exynos 2200 ដូចគ្នា និងមានប៊ិច S-pen៕