- 2021-10-11 03:14:36
- ផលិតផលថ្មី
លេចធ្លាយរូបរាង Lexus LX600 កំពុងបើកលើផ្លូវ មុនបង្ហាញផ្លូវការនៅថ្ងៃខានស្អែក
- 2021-10-11 03:14:36
- ចំនួនមតិ 0 | ចំនួនចែករំលែក 0
លេចធ្លាយរូបរាង Lexus LX600 កំពុងបើកលើផ្លូវ មុនបង្ហាញផ្លូវការនៅថ្ងៃខានស្អែក
ចន្លោះមិនឃើញ
Lexus នឹងបើកបង្ហាញជាផ្លូវការរថយន្តសេ៊រីថ្មី ២០២២ គឺ LX600 ដែលជាកំណែប្រែថ្មីពី LX570 នៅថ្ងៃទី១៣ តុលាខានស្អែកនេះ។
តាមរយៈវីដេអូ Teaser ដែល Lexus បានបញ្ចេញកាលពីប៉ុន្មានថ្ងៃមុន គឺឱ្យឃើញផ្នែករថយន្តតិចតួចប៉ុណ្ណោះ ដូចជាផ្នែកចំហៀងរថយន្ត កង់ និងចង្កៀងខាងក្រោយជាប្រភេទ LED។
យ៉ាងណាមិញ មានការលេចធ្លាយផងដែរនូវរូបរាងរបស់ LX600 ដែលកំពុងបើកបរលើដងផ្លូវក្នុងសហរដ្ឋអាមេរិក ដោយរូបភាពទាំងនោះត្រូវបានបង្ហោះនៅលើវេបសាយ motor1។ ប៉ុន្តែរថយន្តនោះ គឺត្រូវបានរុំយ៉ាងជិត មិនឱ្យឃើញរូបរាងពិតប្រាកដឡើយ និងពិបាកក្នុងការសន្និដ្ឋានថាតើវារូបរាងបែបណាខ្លះ។
Lexus LX600 ត្រូវបានគេប្រដូចថាជាបងប្អូនជីដូនមួយនឹង Toyota Land Cruiser។ វាទំនងជាប្រើប្រាស់ម៉ាស៊ីនតូចជាង LX570 ពោលគឺវាអាចនឹងប្រើត្រឹមម៉ាស៊ីន V6 ចំណុះ ៣,៥លីត្រ កម្លាំង ៤០៩សេះ និងកម្លាំងរមួល ៦៥០ញូ៊វតុនម៉ែត្រ ព្រមទាំងប្រើប្រអប់លេខអូតូ ១០វគ្គ រត់ដោយប៉ុង២។
គេក៏រំពឹងដែរថា Lexus ក៏នឹងបញ្ចេញម៉ូឌែលមួយទៀតគឺ LX750h ដំណាលហ្នឹង LX600ផងដែរ ដែលវាបំពាក់ ប្រព័ន្ធ Hybrid ប្រើម៉ាស៊ីន V6 ចំណុះ ៣,៥លីត្រ កម្លាំង ៤៨០សេះ និងកម្លាំងរមួល ៨៧១ញូ៊វតុនម៉ែត្រ និងប្រអប់លេខអូតូ ១០វគ្គ ដូចគ្នា៕