- 2021-09-28 06:52:17
- ផលិតផលថ្មី
Lexus ចេញ ES 300h តម្លៃជាង៥ម៉ឺនដុល្លារ បំពាក់ប្រព័ន្ធហ្វ្រាំងទំនើប AEB និងប្រើ Hybrid ១លីត្រ ជិះបាន ១៧គ.ម
- 2021-09-28 06:52:17
- ចំនួនមតិ 0 | ចំនួនចែករំលែក 0
Lexus ចេញ ES 300h តម្លៃជាង៥ម៉ឺនដុល្លារ បំពាក់ប្រព័ន្ធហ្វ្រាំងទំនើប AEB និងប្រើ Hybrid ១លីត្រ ជិះបាន ១៧គ.ម
ចន្លោះមិនឃើញ
Lexus ទើបតែបានបញ្ចេញរថយន្តសេរ៊ីថ្មីប្រើប្រព័ន្ធ Hybrid គឺ ES 300h នៅកូរ៉េខាងត្បូង កាលពីថ្ងៃទី២៧កញ្ញាម្សិលមិញ ដោយដាក់លក់ក្នុងតម្លៃប្រមាណ ៥២ ០០០ដុល្លារ។
ផ្នែកប៉ាណាខាងមុនៃរថយន្ត គឺមានដាក់រូបឡូហ្គោអក្សរ L ដែលតំណាងឱ្យឈ្មោះក្រុមហ៊ុន Lexus ដូចស៊េរីផ្សេងៗដែរ និងមានអំពូល LED រាងចតុកោណ។ ជាមួយនឹងការប្រើម៉ាស៊ីនសាំង D-4S ចំណុះ ២,៥លីត្រ រថយន្ត Hybrid នេះ បានបំពាក់មកជាមួយអាគុយធំ និងម៉ូទ័រ ២។
រថយន្តនេះ អាចបើកដោយប្រើតែម៉ូទ័រសុទ្ធក៏បាន ប៉ុន្តែគឺក្នុងល្បឿនយឺត ហើយអាស្រ័យទៅលើកម្រិតថាមពលអាគុយ ដោយវាអាចបើកបរ និងសាកអាគុយក្នុងពេលតែមួយបាន។ ចំពោះការស៊ីសាំងវិញ គឺមានភាពសន្សំសំចៃច្រើនណាស់ ដោយសាំង១លីត្រ អាចជិះបាន ១៦,៨ ទៅ ១៧,២គីឡូម៉ែត្រ។
កាន់តែទំនើបទាន់សម័យ Lexus ES 300h បានបំពាក់ប្រព័ន្ធហ្វ្រាំងដ៏មានសុវត្ថិភាព គឺប្រព័ន្ធហ្វ្រាំងបន្ទាន់ស្វ័យប្រវត្តិ EAB និង cruise control ត្រូវបានធ្វើឱ្យកាន់តែប្រសើរឡើង៕
