- 2021-09-28 04:02:04
- ផលិតផលថ្មី
ឆ្នាំក្រោយ iPhone 14 បែបលែងមានប្រភេទ Mini ទៀតហើយ
- 2021-09-28 04:02:04
- ចំនួនមតិ 0 | ចំនួនចែករំលែក 0
ឆ្នាំក្រោយ iPhone 14 បែបលែងមានប្រភេទ Mini ទៀតហើយ
ចន្លោះមិនឃើញ
Apple បានបញ្ចេញ iPhone ប្រភេទ Mini ២ឆ្នាំមកហើយ គឺ iPhone 12 Mini និង iPhone 13 Mini ដែលទើបប្រកាសចេញកន្លងទៅ ប៉ុន្តែសម្រាប់ឆ្នាំក្រោយ បើយោងតាមអ្នកវិភាគ Apple ដ៏ល្បីម្នាក់របស់ Bloomberg គឺលោក Mark Gurman អះអាងថា ប្រភេទ Mini នេះនឹងមិនមានលើ iPhone ទៀតទេ។
លោកបានបញ្ជាក់ថា ឆ្នាំ២០២២ Apple នឹងបញ្ចេញ iPhone 14 និង 14 Pro ដូចឆ្នាំមុន និងឆ្នាំនេះដែរ ប៉ុន្តែដក Mini ចេញ និងបន្ថែមស្រឡាយមួយទៀតគឺ iPhone 14 Max។
អ្នកវិភាគរូបនេះបានសរសេរនៅលើព្រឹត្តិបត្រ Power On របស់ខ្លួន យ៉ាងដូចច្នេះថា៖ «ការផ្លាស់ប្តូរដ៏តិចតួចក្នុងឆ្នាំនេះ ក៏មានន័យថា វិស្វកររបស់ Apple កំពុងលួចធ្វើរឿងកាន់តែធំដែលត្រូវការចំណាយពេលច្រើនទៀត។ ជាមួយនឹង iPhone 14 អ្នកអាចរំពឹងនូវម៉ូឌែលថ្មី និង Pro ដែលបានបញ្ចប់ការរចនាឡើងវិញហើយ»។
Gurman ក៏បានអះអាងទៀតដែរថា iPhone នៅឆ្នាំ២០២២ នឹងលែងមានក្បាលឆកផងដែរ ពោលគឺកាមេរ៉ាខាងមុខនឹងលាក់ក្នុងអេក្រង់ ដូចមានរួចមកហើយក្នុងស្មាតហ្វូន Android មួយចំនួន៕
