- 2021-09-27 03:35:26
- ព័ត៌មាន
លក់ដាច់ ឬមិនដាច់! iPhone 13 មកដល់ខ្មែរឆ្នាំនេះ អ្នកលក់និងអ្នកទិញថាម៉េចខ្លះ?
- 2021-09-27 03:35:26
- ចំនួនមតិ 0 | ចំនួនចែករំលែក 0
លក់ដាច់ ឬមិនដាច់! iPhone 13 មកដល់ខ្មែរឆ្នាំនេះ អ្នកលក់និងអ្នកទិញថាម៉េចខ្លះ?
ចន្លោះមិនឃើញ
ខែកញ្ញា ជារដូវកាល iPhone បញ្ចេញលក់នៅលើទីផ្សារជារៀងរាល់ឆ្នាំ។ មិនខុសពីឆ្នាំមុនៗ iPhone 13 ឆ្នាំនេះនៅតែតែជារឿងដែលធ្វើឲ្យហ្វេនៗជ្រួលជ្រើមចង់ចាប់កាន់។ ត្រកូល iPhone 13 series ឆ្នាំបានប្រកាសចេញកាលពីទី ១៤ ខែកញ្ញា និងបើកឱ្យកម្ម៉ង់ចាប់ពី ថ្ងៃទី១៧ ខែកញ្ញា និងចេញលក់ ថ្ងៃទី២៤ ខែកញ្ញា កន្លងទៅ នឹងបានមកដល់ទីផ្សារប្រទេសកម្ពុជាហើយ។
ជាមួយវត្តមានមកដល់លឿនបែបនេះក៏បានធ្វើឲ្យវាមានតម្លៃថ្លៃមិនចាញ់ស៊េរីឆ្នាំមុនៗឡើយ។ តាមប្រភពពីម្ចាស់ហាងម្នាក់នៅម្ដុំផ្សារដេប៉ូបានប្រាប់ Sabay ថា iPhone 13 ឆ្នាំនេះលោកទទួលបានការកក់ពីអតិថិជនបានតិចជាងឆ្នាំមុន។ លោកថាមូលហេតុមិនមានអ្នកកក់ច្រើនដូចឆ្នាំមុនប្រហែល ជាលោកទើបបើទទួលការកក់ក៏ថាបាន ហើយណាមួយអតិថិជនចាំផលិតផលមកដល់ផ្លូវការ ឬមួយអ្នកទិញមិនចង់ចំណាយលុយច្រើនកក់ ឬចាំមកដល់ផ្ទាល់ចាំទិញក៏មិនដឹង។
ចំណែកលោក សោភ័ណ្ឌ ម្ចាស់ហាង 3Plus Mobile បានប្រាប់ថា iPhone 13 ឆ្នាំនេះលោកបើទទួលកក់បានច្រើនគួរសម អាចថាច្រើនជាងឆ្នាំមុន។ លោកបន្ថែមថាគិតត្រឹមថ្ងៃទី ២៧ កញ្ញា នេះលោកទទួលបានការកក់ពីភ្ញៀវបានជាង ១០០គ្រឿង។ លោកថាចំនួននេះនៅមិនទាន់គិតអ្នកមករកទិញផ្ទាល់ផង លោកបញ្ជាក់។ លោកបន្ថែមថា iPhone 13 ឆ្នាំនេះពិបាកនាំចូលបន្តិចទាំងផលិតផលអាមេរិក និងហុងកុង ចំពោះអ្នកមិនបានកកមករកទិញផ្ទាល់ពិបាករកឥវ៉ាន់ឲ្យណាស់។
ងាកមកអតិថិជនម្នាក់ដែលតែងតែកក់មុនគេពីហាងនៅខ្មែរជារៀងរាល់ឆ្នាំពេល iPhone ប្រកាសចេញបានប្រាប់ថាឆ្នាំនេះលោកមិនបានកក់មុនទេ តែលោកនឹងទិញវាប្រើពេលមកដល់ខ្មែរតែម្ដង ព្រោះលោកថាឆ្នាំមុនៗលោកកក់មុនត្រូវចំណាយលុយលើស ២ ទៅ ៣រយដុល្លារដោយសារចង់បានរបស់កាន់មុនគេ។
លោកបន្តថាហេតុផលដែលលោកមិនកក់នេះដោយសារលោកចាំមើលពេលមកដល់ផ្ទាល់ថារូបរាងស្អាតប៉ុណ្ណា ណាមួយ iPhone ដែលលោកប្រើនេះក៏នៅពេញចិត្តមិនទាន់ចង់ឈប់ប្រើតែយ៉ាណាក៏លោកនៅតែទិញ iPhone 13 ព្រោះអាចមានអ្វីដែលថ្មីនិងទំនើបជាស៊េរីមុនៗ។
គូសបញ្ជាក់ថាសម្រាប់ iPhone 13 series ជំនាន់ថ្មីនេះមានចំនួន ៤ម៉ូឌែលគឺ iPhone 13, 13 mini, 13 Pro និង 13 Pro Max។ វាត្រូវបានកែប្រែលក្ខណ:ពិសេសជាច្រើនដូចជា មានថ្ងាសឆកតូចជាងមុន ២០% ប្រើអេក្រង់ប្រភេទ Super Retina XDR dispaly ជាមួយនឹងបច្ចេកវិទ្យា Pro-Motion អាចឱ្យ iPhone គាំទ្រល្បឿន refresh rate 120Hz និងទំហំផ្ទុករហូតដល់ 1TB៕