ឧបករណ៍បញ្ជាំង Slide របស់ Xiaomi តូចញេបតែខ្លាំង ទុកមើលកុនក្នុងបន្ទប់ក៏បាន

2021-09-21 05:00:07
ផលិតផលថ្មី

2021-09-21 05:00:07
ចំនួនមតិ 0 | ចំនួនចែករំលែក 0

ចន្លោះមិនឃើញ

Xiaomi ទើបនឹងបញ្ចេញឧបករណ៍វៃឆ្លាតសម្រាប់ប្រើក្នុងផ្ទះ Smart home ជំនាន់ថ្មីមួយទៀតគឺជា Mi Smart Compact Projector (ឧបករណ៍បញ្ជាំង Slide ទៅជញ្ជាំង) ដែលមានសមត្ថភាពខ្ពស់ ប្រើការបានច្រើនមុខលើសពី Projector ពីមុនៗ។

បង្ហាញរូបកម្រិតដល់ 1920x1080 resolution

ក្រៅពីមុខងារប្រើជាចម្បង ដើម្បីបញ្ជូនរូបភាព ឬវីដេអូទៅជញ្ជាំង នៅលើ projector ស៊េរីថ្មីនេះវាមានរន្ធដោតខ្សែ HDMI, រន្ធដោតខ្សែ 3.5mm សម្រាប់ភ្ជាប់ទៅ Speakers បញ្ចេញសំឡេងច្បាស់ល្អដោយបច្ចេកវិទ្យា Dolby atmos ។

នៅផ្នែកខាងក្រោយមានរន្ធ USB 2.0, ភ្ជាប់ប្រើការជាមួយ Android TV 9.0 ក៏បាន មានភ្ជាប់បច្ចេកវិទ្យាបញ្ជាដោយសំឡេង Google Assistant, មានរន្ធបញ្ចេញសំឡេងពីរមុខ-ក្រោយ 5W speakers, មាន WiFi 6 អាចភ្ជាប់ Bluetooth 5.0 BLE និងគាំទ្របច្ចេកវិទ្យា Google Chromecast ថែមទៀតផង។

បញ្ជាំងចម្ងាយជាង ៣ម៉ែត្រទំហំ ១២០ អ៊ីញនៅតែច្បាស់ល្អ

ផលិតផលថ្មីឆ្នាំ ២០២១ នេះឌីហ្សាញរាងរៅខាងក្រៅទាក់ទាញជាងម៉ូឌែលមុនៗ ទំហំតូចប៉ុនប្រអប់នំប៉ុណ្ណោះ។ អត្ថប្រយោជន៍នៃរូបរាងតូច Cute លើឧបករណ៍នេះ ផ្តល់ភាពងាយស្រួលទុកដាក់ ប្រើការនៅគ្រប់ទីកន្លែង សូម្បីតែចង់មើលកុនក្នុងបន្ទប់ផ្ទាល់ខ្លួនក៏បាន។