- 2021-09-10 01:53:58
- ផលិតផលថ្មី
Facebook បញ្ចេញវ៉ែនតាវៃឆ្លាត អាចថតរូប/វីដេអូ ខលចេញចូល ស្ដាប់តន្ត្រី តម្លៃត្រឹម ២៩៩ដុល្លារ
- 2021-09-10 01:53:58
- ចំនួនមតិ 0 | ចំនួនចែករំលែក 0
Facebook បញ្ចេញវ៉ែនតាវៃឆ្លាត អាចថតរូប/វីដេអូ ខលចេញចូល ស្ដាប់តន្ត្រី តម្លៃត្រឹម ២៩៩ដុល្លារ
ចន្លោះមិនឃើញ
Facebook ទើបប្រកាសចេញ វ៉ែនតាវៃឆ្លាត Ray-Ban Stories បំពាក់នូវមុខងារដ៏ច្រើន ជាមួយនឹងតម្លៃនៅស្រុកក្រៅ ត្រឹមតែ ២៩៩ដុល្លារ។
Ray-Ban Stories មិនមែនជាវ៉ែនតាបែប AR អីនោះទេ វាជាវ៉ែនតាអាចខលចេញចូលបាន ថតរូបឬវីដេអូ និងអាចស្តាប់តន្ត្រីជាដើម។
វ៉ែនតានេះបំពាក់សែនស័រកាមេរ៉ាទំហំ 5MP អាចថតរូប និងថតវីដេអូ ៣០វិនាទី ដោយចុងប៊ូតុង ឬដោយមិនបាច់ចុច តាមមុខងារ Facebook Assistant។ រីឯការស្ដាប់តន្រី្តវិញ វាបំពាក់មកជាមួយនឹងឧបករណ៍បំពងសំឡេងនៅជាប់នឹងដៃវ៉ែនតា និងចំពោះការខលវិញ វាមានរន្ធស្រូបសំឡេងដល់ទៅ ៣គ្រាប់ ផងដែរ។
Ray-Ban Stories ភ្ជាប់ថាមពលថ្មនៅខាងក្នុងស្រាប់ អាចប្រើប្រាស់បាន ៦ម៉ោង និងមានប្រអប់សាក ដែល Facebook អះអាងថា អាចឱ្យវ៉ែនតាប្រើប្រាស់បានដល់ទៅ ៣ថ្ងៃ ជាប់ៗគ្នា។
Today we’re excited to launch @ray_ban Stories built with @Luxottica: Smart glasses that let you capture photos and video, share your adventures, and listen to music or take phone calls — so you can stay present with the world around you. // https://t.co/bwwTXaM9WI pic.twitter.com/TnV0Vb60RW
— Tech@Facebook (@techatfacebook) September 9, 2021
វ៉ែនតា Facebook វៃឆ្លាតដំណើរការជាមួយនឹង Facebook View app ដែលអាចឱ្យអ្នកប្រើ ចែករំលែក stories, រូបថត និងអ្វីផ្សេងទៀតទៅកាន់បណ្ដាញសង្គម social media។ មិនតែប៉ុណ្ណោះ វាថែមទាំងងាយស្រួលចែករំលែក Content ទៅកាន់ Facebook, Instagram, WhatsApp, Messenger, Twitter, TikTok និង Snapchat បានថែមទៀតផង។
Ray-Ban Stories បើកឱ្យបញ្ជារទិញហើយនៅប្រទេសមួយចំនួន នៅសហរដ្ឋអាមេរិច និងអឺរ៉ុប តាមគេហទំព័រ Ray-Ban ជាក្រុមហ៊ុនមេរបស់ Luxottica ដែលគេដឹងថាមាន Facebook ជាអ្នកផ្គត់ផ្គង់នៅក្នុងនោះ៕