ម្ចាស់ក្រុមហ៊ុន Software ដ៏ល្បីនៅកម្ពុជា នឹងបង្ហើបគន្លឹះវែកផ្លូវសម្រាប់អ្នកចាប់ផ្ដើមអាជីវកម្មដំបូង

2021-09-09 03:41:23
ព័ត៌មាន

2021-09-09 03:41:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្ដើមចេញពីចំណុចមួយដែលមានភាពជឿជាន់លើខ្លួនឯងស្ថាបនិកក្រុមហ៊ុន Codingate បានកសាង និងបង្កើតក្រុមហ៊ុនផ្គត់ផ្គង់ផ្នែក Software ដ៏ធំមួយនៅកម្ពុជា។ ចង់ដឹងបទពិសោធន៍ បញ្ហាជួបប្រទះ និង វិធីសាស្រ្តដោះស្រាយបែបណាខ្លះ? កុំភ្លេចនៅក្នុងសប្ដាហ៍ថ្មីនេះ កម្មវិធី Starting Up នឹងអញ្ជើញវាគ្មិនពិសេសគឺលោក សុខ សុភមង្គល មកបើកកកាយពីបទពិសោធន៍បង្កើតក្រុមហ៊ុននេះឡើង។

រូបភាពផ្ដល់ឲ្យ

អាចថាចាប់ផ្ដើមឡើងពីដៃទទេ លោក សុខ សុភមង្គល បានកសាងក្រុមហ៊ុនផ្ដល់សេវាកម្ម Software ដ៏ល្បីមួយបន្ទាប់ពីបញ្ចប់ការសិក្សាពីក្រៅប្រទស និងធ្វើការងារឲ្យគេបានជាង ១ឆ្នាំ។ ដូច្នេះ លោក សុខ សុភមង្គល នឹងធ្វើការបកស្រាយពីដំណើរដំបូងដែលនាំឱ្យលោកឈានទៅបង្កើតក្រុមហ៊ុនមួយនេះឡើង និងមានកត្តាអ្វីខ្លះដែលជំរុញឱ្យលោកផ្លាស់ប្ដូរពីបុគ្គលិកគេ មកជាស្ថាបនិកក្រុមហ៊ុនវិញ។ កុំភ្លេចចូលរួមតាមដានដើម្បីទទួលបានគន្លឺះល្អៗពីការបង្កើតអាជីវកម្មថ្មី ដែលសុទ្ធសឹងជាវិធីសាស្រ្តវែកផ្លូវសម្រាប់លោកអ្នកដែលចង់ចាប់ផ្ដើមអាជីវកម្មដោយខ្លួនឯង។

ពីសហគ្រិនដែលធ្លាប់ធ្វើការឲ្យគេ និងចាប់ផ្ដើមឡើងដោយមានការចូលរួមពីមិត្តភក្តិលើកទឹកចិត្ត នឹងមកឆ្លើយសំណួរជាមួយអ្នកសម្របសម្រួលកម្មវិធីដែលជាសហគ្រិនជើងចាស់លោក ជី សិលា នាយកប្រតិបត្តិក្រុមហ៊ុន Sabay Digital Group, កញ្ញា ដែក ដារី នាយកគ្រប់គ្រងទូទៅក្រុមហ៊ុន 360 Events, លោក ធុល រិទ្ធី សហស្ថាបនិក និងជានាយកប្រតិបត្តិ Smallworld Venture, លោក លោក ស៊ឹម ចាន់គីរីរត្ន ស្ថាបនិក និងជានាយកប្រតិបត្តិក្រុមហ៊ុន Banhji ។

រូបភាពពីហ្វេសបុក លោក សុខ សុភមង្គល

កុំភ្លេចរង់ចាំទស្សនា កម្មវិធី Starting Up សប្ដាហ៍ថ្មី ដោយជួបជាមួយនឹងលោក សោម សម្បត្តិ នៅថ្ងៃទី ១១ ខែកញ្ញា ឆ្នាំ ២០២១ នេះ វេលាម៉ោង ១០ព្រឹក នៅលើទំព័រហ្វេសប៊ុកផេកផ្លូវការរបស់កម្មវិធី Starting Up ក៏ដូចជា channel YouTube "Sabay TV" និងស្ដាប់ជាសំឡេង Podcast "Starting Up"៕

អត្ថបទ៖ ម៉េងងី