និស្សិតសាកលមួយនៅសិង្ហបុរី បង្កើតរ៉ូបូតស្វ័យប្រវត្តិ ទុកបាញ់ថ្នាំសម្លាប់មេរោគកូវីដ-១៩

2021-09-08 08:22:14
ព័ត៌មាន

2021-09-08 08:22:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមនិសុ្សិតអ្នកស្រាវជ្រាវផ្នែកវិទ្យាសាស្រ្ត មកពីសាកលវិទ្យាល័យ Nanyang Technological University (NTU) បង្កើតចេញបានដោយជោគជ័យ មនុស្សយន្ត មួយដំណើការដោយស្វ័យប្រវត្តិ ដើម្បីសម្រាលបន្ទុកការងារអ្នកសម្អាត ក្នុងពេលកំពុងផ្ទុះកូវីដ-១៩ ។

រ៉ូប៉ូតមួយនេះឈ្មោះថា “XDBOT” ទោះជាមានរាងមិនពេញលេញ ផ្នែកខាងក្រោមដូចតុតែមានកង់ ឯផ្នែកខាងលើជា រ៉ូបូតមានបង្ហុយសម្រាប់បញ្ចេញផ្សែងបាញ់សម្លាប់មេរោគ។ វាមានកម្លាំងខ្លាំង អាចបាញ់សម្អាតលើផ្ទៃធំៗបានឆ្ងាយ លឿន និងឆាប់រហ័ស ថែមទៀត។

រ៉ូបូត អាចបញ្ជាបានពីចម្ងាយដោយប្រើកុំព្យូទ័រយួរដៃឬថេប្លេត ដោយជួយកាត់បន្ថយហានិភ័យដល់អ្នកសម្អាត (cleaner) ជៀសវាងឆ្លងមេរោគ។

អ្នកដឹកនាំគម្រោង ស្រាវជ្រាវខាងលើបាននិយាយថា “ដោយប្រើប្រាស់រ៉ូបូតថ្មីរបស់យើងពីចម្ងាយប្រតិបត្តិករជាមនុស្សអាចគ្រប់គ្រងបានយ៉ាងច្បាស់លាស់នូវដំណើរការនៃការបាញ់សម្អាតមេរោគដោយមិនចាំបាច់ប៉ះពាល់ជាមួយនឹងផ្ទៃ។”

មនុស្សយន្ត XDBOT សាកល្បងដំបូង នៅជុំបរិវេណសាកលវិទ្យាល័យ NTU ហើយរំពឹងថា នឹងអាចយកវាទៅប្រើជាផ្លូវការ នៅមន្ទីរពេទ្យច្រើនទៀត និងនៅតាមតំបន់សាធារណៈនានា៕ ប្រភព៖ NTU

អត្ថបទ៖ រក្សា