ក្រុមហ៊ុនផលិតម៉ូតូរបស់អ៊ីតាលី Ducati បានប្រកាសចេញកង់អគ្គិសនី ដែលអាចបត់ខ្លួនបានថ្មី ហៅថា Ducati MG-20។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

កង់អគ្គិសនី Ducati MG-20 នេះនឹងត្រូវដាក់លក់ក្នុងតម្លៃ ១ ៥៩៩អឺរ៉ូ ឬប្រហែល ១ ៩០០ដុល្លារ សម្រាប់ទីផ្សារបរទេស។ តួខ្លួន និងបូមរបស់វាត្រូវបានផលិតឡើងពី magnesium ខណៈកាំរបស់វាធ្វើឡើងពី die-cast magnesium ហើយមានរង្វង់កង់ ២០អ៊ីញ ដែលល្អសម្រាប់ការប្រើប្រាស់ក្នុងទីប្រជុំជន។

កង់ MG-20 ប្រើម៉ូទ័រកម្លាំង ២៥០វ៉ាត់ ដែលផ្តល់កម្លាំងបង្វិល ១០,៨ញ៉ូតុនម៉ែត្រ ហើយមានអាវក្រោះការពារ IP54 ដែលអាចទប់ទល់នឹងធូលីដី និងការសាចទឹកបានតិចតួច។ អាគុយអគ្គិសនីរបស់វាគឺ Samsung ៣៦វ៉ុល (36-Volt, 378 Watt-hour, 10.5 AH)។

គួរឲ្យដឹងថា អាគុយរបស់វាត្រូវបានចាប់បញ្ចូលនៅក្នុងតួកង់ ហើយអាចដោះចេញយកមកសាកភ្លើងបាន។ សាកមួយពេញកង់អគ្គិសនីនេះអាចជិះបានចម្ងាយ ៥០គីឡូម៉ែត្រ ហើយមានល្បឿនអតិបរមា ២៥គីឡូម៉ែត្រក្នុងមួយម៉ោង៕