• 2021-06-23 09:22:40
  • ព័ត៌មាន

Twitter បន្ថែមមុខងារថ្មីមួយ ជាមួយនឹងកម្មវិធី Instagram!

  • 2021-06-23 09:22:40
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Twitter បានប្រកាសកាលពីថ្ងៃទី ២២ខែ មិថុនា ឆ្នាំ២០២១ នេះទាក់ទងទៅនឹងមុខងារដែលអាចឱ្យអ្នកប្រើប្រាស់ទូរសព្ទ iPhone ចែករំលែកផុស (tweet) របស់ពួកគេជាមួយនឹងកម្មវិធី Instagram ដែលមុខងារនេះក្រុមហ៊ុនបានសាកល្បងប្រើចាប់តាំងពីចុងឆ្នាំ២០២០។

មុខងារថ្មីនេះធ្វើឱ្យអ្នកប្រើប្រាស់កម្មវិធី Twitter មានភាពងាយស្រួលក្នុងការចែករំលែក tweet ជាមួយនឹងកម្មវិធី Instagram ដោយមិនចាំបាច់ធ្វើការថតស្រ្គីន (screenshot) ហើយផុសនៅក្នុងកម្មវិធី Instagram។ ទោះជាយ៉ាងណាក្ដី មុខងារនេះក៏នៅមានការកំណត់មួយចំនួន ដូចជាលោកអ្នកមិនអាចចុចនៅលើផុសដើម្បីត្រឡប់មកមើលផុសដើមវិញបាន។

ដើម្បីស៊ែរ tweet ណាមួយជាមួយនឹងកម្មវិធី Instagram លោកអ្នកគ្រាន់តែចុចនៅលើបូតុងស៊ែរដែលមាននៅផ្នែកខាងក្រោមនៃ tweet នីមួយៗ ហើយចុចនៅលើបូតុងដែលមានពាក្យ Instagram Stories៕

ប្រភព៖ Anti Cyber Crime Department

មតិយោបល់