- 2021-06-16 02:24:26
- ព័ត៌មាន
ញាក់សាច់! ឡាន Toyota Land Cruiser ឆ្នាំ៩៤ មួយគ្រឿងនេះលក់បាន ១៣ម៉ឺនដុល្លារ
- 2021-06-16 02:24:26
- ចំនួនមតិ 0 | ចំនួនចែករំលែក 0
ញាក់សាច់! ឡាន Toyota Land Cruiser ឆ្នាំ៩៤ មួយគ្រឿងនេះលក់បាន ១៣ម៉ឺនដុល្លារ
ចន្លោះមិនឃើញ
Land Cruiser តែងតែជាគ្រាប់ពេជ្រមួយដុំរបស់ក្រុមហ៊ុន Toyota ខណៈដែល SUV នេះមានកេរ្តិ៍ឈ្មោះល្បីល្បាញមកជាយូរ ដោយសារតែសមត្ថភាពរបស់វា។
ដោយឡែក ថ្មីៗនេះរថយន្ត Toyota Land Cruiser ស៊េរីឆ្នាំ១៩៩៤ មួយគ្រឿង ត្រូវបានលក់ដាច់ក្នុងតម្លៃ ១៣៦ ០០០ដុល្លារឯណោះ។ មូលហេតុដែលវាលក់បានថ្លៃបែបនេះ ក៏ដោយសារតែស្ថានភាពវានៅថ្មីខ្លាំងមែនទែន ទាំងផ្នែកខាងក្រៅ និងខាងក្នុង ហើយទើបតែប្រើបាន ១ ០០៥ម៉ាយ៍ ឬ ១ ៦១៧គីឡូម៉ែត្រប៉ុណ្ណោះ បើទោះបីជាមានអាយុ ២៧ឆ្នាំក៏ដោយ។
ផ្នែកខាងក្រៅរបស់វាមានពណ៌ខ្មៅ Dark Emerald Pearl ហើយនៅតែមានសភាពល្អខ្លាំង ខណៈផ្នែកខាងក្នុងរបស់វាវិញមានពណ៌ប្រផេះ និងនៅដូចថ្មីអីចឹង ពោលគឺគ្មានស្នាមសឹករិចរិល ឬខូចអ្វីឡើយ។
Land Cruiser ឆ្នាំ១៩៩៤ ខាងលើបំពាក់ម៉ាស៊ីនចំណុះ ៤,៥លីត្រ ទំហំ ៦ស៊ីឡាំង មានកម្លាំង ២១២សេះ និងកម្លាំងបង្វិល ៣៧៣ញូតុនម៉ែត្រ ប្រើប៉ុងពីរ និងប្រអប់លេខអូតូ ៤វគ្គ៕
