- 2021-06-08 07:43:59
- ផលិតផលថ្មី
Apple អាប់ឌែតផលិតផលមួយរបស់ខ្លួន សឹងតែដូចគ្នាបេះបិទនៅនឹង Zoom
- 2021-06-08 07:43:59
- ចំនួនមតិ 0 | ចំនួនចែករំលែក 0
Apple អាប់ឌែតផលិតផលមួយរបស់ខ្លួន សឹងតែដូចគ្នាបេះបិទនៅនឹង Zoom
ចន្លោះមិនឃើញ
កម្មវិធី FaceTime ត្រូវបានក្រុមអ្នកអភិវឌ្ឃន៍កម្មវិធីរបស់ Apple បន្ថែមនូវមុខងារថ្មីៗជាច្រើន នៅលើ iOS 15 មានដូចជា៖
-មុខងារ Spatial audio ជួយកាត់បន្ថយសំឡេងរំខានពេលខលវីដេអូ
-មុខងារ Portraid mode ជួយធ្វើឲ្យផ្ទៃមុខច្បាស់ ឯផ្ទៃខាងក្រោយព្រិល ពេលខលវីដេអូ
-មុខងារ SharePlay ពេលខលវីដេអូអ្នកអាចមើលវីដេអូ ចែករំលែកតន្រ្តី និងចែករំលែកអេក្រង់ទៅភាគីម្ខាងទៀតបាន
-មុខងារ FaceTime link ផ្តល់ភាពងាយស្រួលដល់អ្នកប្រើអាចចែករំលែកឆ្លងគ្រប់ platform ទាំងនៅលើឧបករណ៍ iOS ឬ Android និងប្រើបាននៅលើ Web Browser នៅលើកុំព្យូទ័រ Windows ថែមទៀត។ ត្រង់នេះហើយដែលគេប្រដូចទៅនឹងកម្មវិធី Zoom នេះបើយោងប្រភពី CNET ។
នៅពេលអ្នកខលជាមួយ FaceTime អ្នកក៏អាចបន្ត link នោះចែកទៅ Message, Email, WhatApp, Calendar លើ iOS ជាដើម។ រឹតតែពិសេសនោះ Apple ហ៊ានធានាថាកម្មវិធីអាប់ឌែតជំនាន់ចុងក្រោយនេះ ប្រើប្រាស់ជាមួយមុខងារ End-to-End Encrypted ឬ Data Encryption ដើម្បីរក្សាសុវត្ថិភាពនិងការសម្ងាត់ជានិច្ច មានន័យថា កម្រិតដូចគ្នានឹងកម្មវិធីផ្ញើសារលំដាប់ពិភពលោកដទៃកំពុងល្បីផ្សេងទៀត ដូច្នោះដែរ។
FaceTime ជាកម្មវិធីខលវីដេអូរបស់ Apple បង្កើតឡើងតាំងពីឆ្នាំ ២០១១ មកម្ល៉េះប៉ុន្តែវាមិនអាចខលឆ្លង platform ដូចពេលនេះទេ មានន័យថា ពីមុនខលបានតែ iOS គ្នាឯង។
រំឮកផងដែរថា តាំងពីផ្ទុះវីរុសកូវីដ១៩ ជាង ២ ឆ្នាំមកនេះអ្នកប្រើប្រាស់ត្រូវធ្វើការជាមួយ កម្មវិធីខលវីដេអូច្រើន ជាហេតុធ្វើឲ្យក្រុមហ៊ុនបច្ចេកវិទ្យា ព្យាយាមបង្កើតផលិតផលមកតម្រូវឬផ្តល់ជូនជម្រើសច្រើនបំផុតតាមដែលអាចធ្វើបានទៅតាមបរិបទជាក់ស្ដែងដូចជា FaceTime, Zoom, Microsoft team ឬ meet.jit.si ជាដើម៕
ទស្សនាវីដេអូសង្ខេបចំណុចថ្មីៗលើ FaceTime៖