ក្រុមហ៊ុនផលិតហ្គេមរបស់អាមេរិច Riot Games ដែលគេស្គាលថាជាអ្នកផលិតហ្គេម League of Legends បានប្រកាសថា កំពុងធ្វើការវិវឌ្ឍហ្គេមដ៏ល្បីរបស់ខ្លួន Valorant សម្រាប់ស្មាតហ្វូន។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

គួរដឹងថា Valorant ជាហ្គេមដ៏ល្បីឈ្មោះ សម្រាប់លេងលើកុំព្យូទ័រ ដែលបានបញ្ចេញលើទីផ្សារ កាលពីថ្ងៃទី២ ខែមិថុនា ឆ្នាំ២០២១។

ត្រឹមតែមួយឆ្នាំប៉ុណ្ណោះ បន្ទាប់ពី Riot Games បានបញ្ចេញហ្គេមបាញ់ប្រហារ Vilorant ទទួលប្រជាប្រិយភាពយ៉ាងឆាប់រហ័សនៅក្នុង សហគមន៍ហ្គេមតាមអ៊ិនធឺណិតកុំព្យូទ័រ។

Valorant ត្រូវបានបណ្ដាលអ្នកនិយមលេងហ្គេមបាញ់ប្រហារស្គាល់ថា ជាហ្គេមកូនកាត់ CS: GO និង Overwatch។ ដោយមុខងារ និងរបៀបលេងរបស់វាដូចទៅនឹង ហ្គេម CS: GO (Counter-Strike: Global Offensive) រីឯសមត្ថភាពតួអង្គ គឺដូចទៅនឹង ហ្គេម Overwatch។

ប៉ុន្ដែទោះយ៉ាងណា ជុំវិញដំណឹងវិវឌ្ឍន៍ ហ្គេម Vilorant សម្រាប់ស្មាតហ្វូន ក្រុមហ៊ុនមិនបានផ្តល់ព័ត៌មានបន្ថែម ក៏ដូចជាពេលវេលាណាមួយដែលនឹងត្រូវចេញផ្សាយនោះទេ។ ដូចច្នេះយើងនឹងរង់ចាំដំណឹងផ្លូវការបន្ដទៀត ពីខាងក្រុមហ៊ុន៕