គ្រប់ម៉ូឌែល iPhone 13 ដែលត្រៀមប្រកាសចេញអំឡុង ខែកញ្ញា Apple នឹងញាត់ថាមពថលថ្មឱ្យធំជាងមុនលើសពី ៤០០០ មីលីអំពែម៉ោង។ នេះបើយោងទៅតាមដំណឹងចចាមអារ៉ាមពី ពីដោយប្រភពគួរឱ្យទុកចិត្ត l0vetodream។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពខាងលើ ថាមពលថ្មនឹងបន្ថែមទំហំដល់ទៅ៖

• iPhone 13 Pro Max : ៤៣៥២ មីលីអំពែម៉ោង
• iPhone 13/13 Pro : ៣០៩៥ មីលីអំពែម៉ោង
• iPhone 13 mini : ២៤០៦ មីលីអំពែម៉ោង

បើប្រៀបធៀបទៅនឹងត្រកូល iPhone 12 ដែលចេញកាលពីឆ្នាំមុន៖

• iPhone 12 Pro Max : ៣៦៨៧ មីលីអំពែម៉ោង
• iPhone 12/12 Pro : ២៨១៥ មីលីអំពែម៉ោង
• iPhone 12 mini : ២២២៧ មីលីអំពែម៉ោង

ថាមពលថ្មធំទាំងនេះ ត្រូវបានគេរំពឹងថានឹងបង្កើនប្រសិទ្ធភាពខ្ពស់ជាងមុន ត្បិតអំណោយផលខ្ពស់ពីបន្ទះឈីបថ្មី Apple A15 ដែលត្រៀមបំពាក់លើគ្រប់ម៉ូឌែល iPhone 13។

ក្រៅពីនេះ ដំណឹងចចាមអារ៉ាមខាងលើ កាន់តែធ្វើឱ្យមុខងារ ProMotion 120Hz ដែលលេចឮថានឹងបំពាក់លើ iPhone 13‌ Pro និង iPhone 13‌ Pro Max អាចនឹងមានពិតប្រាកដមែន ត្បិតមុខងារនឹងនឹងត្រូវការថាមពលថ្មធំ ដើម្បីទ្រទ្រង់អេក្រង់ 120Hz របស់វា៕