- 2021-05-10 02:18:51
- ព័ត៌មាន
ឃើញតម្លៃឡាន Lexus LX570 Supersport MBS ដាក់លក់នៅវៀតណាម លែងហ៊ានប្រាថ្នា
- 2021-05-10 02:18:51
- ចំនួនមតិ 0 | ចំនួនចែករំលែក 0
ឃើញតម្លៃឡាន Lexus LX570 Supersport MBS ដាក់លក់នៅវៀតណាម លែងហ៊ានប្រាថ្នា
ចន្លោះមិនឃើញ
រថយន្តប្រណីត Lexus LX570 Supersport MBS ស៊េរីឆ្នាំ២០២១ បានបង្ហាញវត្តមានជាផ្លូវការ នៅក្នុងប្រទេសវៀតណាម។
រថយន្ត Lexus LX570 កៅអីអង្គុយ៤ នេះ ត្រូវបានច្នៃឡើងជាពិសេសដោយក្រុមហ៊ុន MBS Automotive របស់ទីក្រុងឌុយបៃ នៃសហភាពអារ៉ាប់រួម។ ការដកកៅអីអង្គុយចេញមួយជួរ ធ្វើឲ្យកៅអីអង្គុយជួរទីពីរកាន់តែមានទំហំធំទូលាយជាងមុន អាចបត់បែនមួយគាប់ចិត្ត។ នៅផ្នែកកណ្ដាលនៃកៅអីអង្គុយក្រោយក៏មានកន្លែងសម្រាប់ដាក់ដៃដ៏ធំ និងមានប៊ូតុងសម្រាប់បញ្ជាមុខងារផ្សេងៗទៀតផង។
អ្វីដែលរឹតតែពិសេស កៅអីខាងក្នុងរបស់វាគឺជាប្រភេទស្បែក German Nappa Leather ជាមួយនឹងថ្នេរដេររាងត្បូងពេជ្រ។ គ្រប់កៅអីសុទ្ធតែមានមុខងារម៉ាស្សា កម្តៅ និង បញ្ចេញខ្យល់ មកជាមួយ។
ថ្វីបើដកកៅអី និងកែប្រែចំណុចមួយចំនួនក្នុងកាប៊ីនខុសពី LX 570 ធម្មតាមែន ប៉ុន្តែរថយន្តប្រភេទពិសេសនេះនៅតែប្រើប្រាស់ម៉ាស៊ីនចំណុះ ៥,៧ លីត្រ ទំហំស៊ីឡាំង ៨ មានកម្លាំង ៣៦៧ សេះ និងប្រើប្រអប់លេខអូតូ ៨ វគ្គដដែល។
វាត្រូវបានដាក់លក់ក្នុងតម្លៃ ១០ពាន់លានដុង ឬប្រហែល ៤៣៦ ៨០០ដុល្លារ នៅក្នុងប្រទេសវៀតណាម៕
