- 2021-04-24 09:26:21
- ព័ត៌មាន
ត្រជាក់ភ្នែករៀនឆាប់ចូល! E-school អាប់ដែតជំនាន់ ២ បន្ថែមក្រាហ្វិកងាយយល់
- 2021-04-24 09:26:21
- ចំនួនមតិ 0 | ចំនួនចែករំលែក 0
ត្រជាក់ភ្នែករៀនឆាប់ចូល! E-school អាប់ដែតជំនាន់ ២ បន្ថែមក្រាហ្វិកងាយយល់
ចន្លោះមិនឃើញ
កម្មវិធី E-School Cambodia គឺជាសាលារៀនអនឡាញតែងតែនាំមកជូននៅអ្វីដែលថ្មីៗសម្រាប់ជំនួយប្អូនៗធ្វើស្វ័យសិក្សា។ E-School Cambodia ជំនាន់ទី២នឹងជួយឲ្យប្អូនៗធ្វើស្វ័យសិក្សានៅផ្ទះតាមរយៈ online ដោយវីដេអូមានគុណភាពល្អ ងាយយល់ឆាប់ចេះ។
លោក ឈន ឈុនឡេង ស្ថាបនិក E-School Cambodia បានប្រាប់ឲ្យដឹងថា៖ “កម្មវិធី App របស់ E-School សិក្សាតាមអនឡាញបានចាប់ផ្តើមអាប់ដែតជំនាន់ ២ ដោយបន្ថែមក្រាហ្វិកលើមេរៀននិមួយៗគ្រប់វីដេអូ ដើម្បីជួយឲ្យប្អូនៗរៀនចេះ អាចធានាបានថាឆាប់ចាប់បានទាំងអស់គ្នា ព្រមទាំងផ្តល់ភាពងាយស្រួល។”
កម្មវិធី App មានលក្ខណៈជាទម្រង់ឆ្លើយឆ្លងជួយសំរួលដល់ការទំនាក់ទំនងរវាងសិស្សនិងគ្រូ សិស្សនិងសិស្សក្នុង App ដែលធ្វើឲ្យការសិក្សាពីចំងាយមានភាពទាក់ទាញមិនធុញទ្រាន់ មួយវិញទៀត ការផលិតវីដេអូមានគុណភាពកម្រិតខ្ពស់ត្រជាក់ភ្នែក មានសៀវភៅអានជាច្រើន ការធ្វើតេស្តនិងការតាមដានប្រវត្តិសិក្សាក្នុង App ថែមទៀតផង។
កម្មវិធី App របស់ E-School សិក្សាតាមអនឡាញបានចាប់ផ្តើមតាំងពីឆ្នាំ ២០១៧ មកដល់ពេលនេះមានរយ:ពេល ៤ ឆ្នាំហើយដែលធ្វើឲ្យក្រុមហ៊ុនមានបទពិសោធន៍និងសម្ថភាពខ្ពស់ក្នុងការផ្តល់សេវាកម្មមួយនេះ។ ក្រុមហ៊ុនមានសាស្ត្រាចារ្យល្បីៗថ្នាក់ជាតិមានការទទួលស្គាល់ពីក្រសួងអប់រំ យុវជន និងកីឡា។
ពេលវេលា ៤ ឆ្នាំកន្លងមកនេះ ក្រុមហ៊ុនផលិតបាន ២០០០០ វីដេអូ ចែកចេញជា ២០០ ថ្នាក់រួមមាន៖ ថ្នាក់ចំណេះដឹងទូទៅ K1ដល់ K12 ថ្នាក់ជំនាញខ្លី ថ្នាក់ភាសាបរទេសនិងថ្នាក់កុំព្យូទ័រ។
អំឡុងពេលកូវីដ-១៩ ក្រៅពីថ្នាក់វិញ្ញាសាត្រៀមបាក់ឌុបសិក្សា Free ខាងក្រុមហ៊ុនក៏មានការបញ្ចុះតម្លៃ ៨៥% ចំពោះគ្រប់ថ្នាក់ចាប់ពី ៣០ ដុល្លារមកត្រឹម ៥ ដុល្លារប៉ុណ្ណោះ៕