អ្នកជក់បារីអេឡិចត្រូនិកប្រឈមហានិភ័យពី COVID-19 ខ្ពស់ជាងមនុស្សធម្មតា

2021-04-15 06:57:00
ព័ត៌មាន

2021-04-15 06:57:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកជំនាញផ្នែកប្រយុទ្ធប្រឆាំងសារធាតុញៀន អ្នកស្រី Nora Volkow បានព្រមានថាអ្នកទម្លាប់ជក់បារីអេឡិចត្រូនិកជាប្រចាំអាចរងហានិភ័យពីជំងឺ COVID-19 ខ្ពស់ជាងប្រភេទមនុស្សធម្មតា។ នេះបើតាមការចុះផ្សាយលើគេហទំព័រ SlashGear។

ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

តាមការពន្យល់អ្នកស្រីបានសង្កត់ធ្ងន់ថា ដោយការជក់បារីអេឡិចត្រូនិក (e-cigarette) ឬការប្រើប្រាស់ Vape បានបង្កផលប៉ះពាល់ដល់ផ្នែកសួតរបស់អ្នកដោយផ្ទាល់រួចទៅហើយ បែបនេះការជ្រៀតចូលនៃវីរុសក៏ងាយនឹងកើតមាន ហើយងាយនឹងវិវត្តខ្លួនឆាប់រហ័ស បង្កឲ្យអ្នកជំងឺមានអត្រាស្លាប់ខ្ពស់បំផុត។

នេះក៏ស្រដៀងនឹងករណីនៃអត្រាអ្នកបាត់បង់ជីវិតភាគច្រើនដោយសារ COVID-19 នាពេលកន្លងមក ភាគច្រើនសុទ្ធសឹងជាអ្នកមានជំងឺទឹកនោមផ្អែម ជំងឺរ៉ាំរ៉ៃផ្សេងៗ ក៏ដូចជាភាពខ្សោយនៃសួតរបស់ពួកគេ។

ផលប៉ះពាល់ធ្ងន់ធ្ងរនៃការប្រើប្រាស់បារីអេឡិចត្រូនិក ត្រូវបានប្រកាសជាសាធារណៈកាលពីខែកញ្ញា ឆ្នាំ ២០១៩ ម្តងរួចមកហើយ ក្រោយមានការសិក្សាទ្រង់ទ្រាយធំមួយបញ្ជាក់ថាការប្រើប្រាស់បារីអេឡិចត្រូនិក អាចធ្វើឲ្យសួតរបស់អ្នកចុះខ្សោយ និងភាពសុាំក្នុងខ្លួនផ្តើមចុះថមថយ ដែលវាបណ្តាលមកពីសារធាតុនីកូទីនដែលមានផ្ទុកក្នុងឧបករណ៍នោះ។

រំឭកថាការរាតត្បាតវីរុស COVID-19 បើគិតទល់រសៀលថ្ងៃទី ២៧ មិនា ឆ្នាំ ២០២០ នេះ គឺមានករណីឆ្លងច្រើនជាងកន្លះលាននាក់ហើយ និងបានឆក់យកជីវិតមនុស្សអស់ច្រើនជាង ២៤ ០០០ នាក់ទូទាំងសកលលោក៕

ប្រភព៖ Zing ប្រែសម្រួល៖ កៅ រក្សា