ថ្មីៗនេះក្រុមហ៊ុនផលិតរថយន្តចិន Zhiji Auto ដែលជាការសហការណ៍រវាង ក្រុមហ៊ុន SAIC, Zhangjiang Hi-Tech និង Alibaba Group របស់មហាសេដ្ឋី Jack Ma បានប្រកាសចេញរថយន្តអគ្គិសនីថ្មី ហៅថា Zhiji L7 ដែលមានសមត្ថភាពខ្លាំងមិនធម្មតា។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

Zhiji L7 គឺជារថយន្តអគ្គិសនីដំបូងគេបង្អស់ ដែលបំពាក់ប្រព័ន្ធសាកភ្លើងឥតប្រើខ្សែ មានកម្លាំង ១១គីឡូវ៉ាត់ ដែលអាចសាកភ្លើងបានចម្ងាយ ៨០គីឡូម៉ែត្រក្នុងរយៈពេល ១ម៉ោង។

រថយន្តនេះបំពាក់កញ្ចប់អាគុយទំហំ ៩៣គីឡូវ៉ាត់ម៉ោង ដែលផ្តល់ចម្ងាយបើកបរសរុប ៦១៥គីឡូម៉ែត្រ ហើយវាក៏នឹងចេញប្រភេទ Long Range ដែរ ដែលបំពាក់កញ្ចប់អាគុយទំហំ ១១៨គីឡូវ៉ាត់ម៉ោង ផ្តល់ចម្ងាយបើកបរ ១ ០០០គីឡូម៉ែត្រ នៅពេលសាកភ្លើងពេញម្តង។

បន្ថែមពីនេះទៅទៀត រថយន្ត Zhiji L7 នឹងបំពាក់កាមេរ៉ាចំនួន ១២គ្រាប់, រ៉ាដា millimeter-wave ៥គ្រាប់, រ៉ាដា ultrasonic ១២គ្រាប់ និង LiDar មួយគ្រាប់ផងដែរ។ ចំពោះកម្លាំងរបស់វាវិញ គឺមានរហូតដល់ទៅ ៥៤០សេះ ដែលអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលប្រហែល ៤វិនាទី។

ទោះជាយ៉ាងណាក៏ដោយ ក្រុមហ៊ុនខាងលើមិនទាន់បានបង្ហាញពីតម្លៃលក់ និងកាលបរិច្ឆេទចេញលក់ជាផ្លូវការរបស់វានៅឡើយទេ៕