- 2021-04-09 05:42:45
- ព័ត៌មាន
មិនមែនមួយឬពីរ! ក្រុមហ៊ុនអ៊ឺនធើណិតរបស់ Elon Musk បាញ់ផ្កាយរណបច្រើនជាង ១ពាន់ឯណោះ
- 2021-04-09 05:42:45
- ចំនួនមតិ 0 | ចំនួនចែករំលែក 0
មិនមែនមួយឬពីរ! ក្រុមហ៊ុនអ៊ឺនធើណិតរបស់ Elon Musk បាញ់ផ្កាយរណបច្រើនជាង ១ពាន់ឯណោះ
ចន្លោះមិនឃើញ
កាលពីថ្មីៗនេះក្រុមហ៊ុន SpaceX បានបាញ់បង្ហោះគ្រាប់រ៉ុកកែតចូលគន្លងតារាវិថីដោយជោគជ័យក្នុងបេសកម្មបាញ់ផ្កាយរណប Starlink ចំនួន ៦០ គ្រាប់បន្ថែមលើចំនួនដែលធ្លាប់បាញ់កន្លងមក សរុបទាំងអស់គឺ ១៤៤៥ កំពុងសំកាំងហោះលើមេឃ។
ស្ថាបនិករូបនេះ ធ្លាប់បានបង្ហោះសារលើបណ្ដាញសង្គម Twitter ប្រាប់ទៅអ្នកគាំទ្រថា គម្រោងបង្កើនល្បឿនអ៊ីនធើណិត Starlink នឹងតំឡើងឲ្យបានចាប់ពី 150 ដល់ 300Mbps ឲ្យបាននៅក្នុងឆ្នាំនេះ។ ដូចនេះបេសកម្មខាងលើ គឺជាការគោរពពាក្យសន្យាផ្ទាល់មាត់របស់លោក និងថែមទាំងជួយជំរុញឲ្យគម្រោងលក់សេវាកម្មអ៊ីនធើណិតកាន់តែដាច់ច្រើនប្រទេសបន្ថែមផងដែរ។
ក្នុងនោះល្បឿនដោនឡូតដល់ទៅ 528 Mbps ឯល្បឿនអាប់ឡូតដល់ទៅ 28.3 Mbps ។ គួរលើកឡើងបន្តិចថា ល្បឿននេះស្ថិតក្នុងដំណាក់កាល Beta សាកល្បងដាក់ឲ្យប្រើប្រាស់មុនគេ ក្នុងប្រទេសកាណាដា។ សម្រាប់ដំណាក់កាល Beta នេះអាចតេស្តបានតែ ៥ ប្រទេសដំបូងដូចជា កាណាដា, ចក្រភពអង់គ្លេស, សហរដ្ឋអាមេរិក អាឡឺម៉ង់ និងញ៉ូហ្សឺឡែន។
ទោះជារកស៊ីក្រោយគេ Elon Musk ប្រកាសថា អាជីវកម្មផ្គត់ផ្គង់សេវាអ៊ិនធើណិត Starlink ទទួលបានអ្នកចុះឈ្មោះប្រើប្រាស់ច្រើនជាង ១ ម៉ឺននាក់ទាំងនៅ អាមេរិកនិងកាណាដាត្រឹមតែ១ឆ្នាំ ប៉ុណ្ណោះ។
អ្វីដែលអ្នកតាមដានវិស័យអវកាសកត់សម្គាល់នោះគឺ បេសកម្មរបស់ SpaceX គ្រោងនឹងបាញ់រាប់ពាន់ផ្កាយរណបបន្ថែមឲ្យគ្រប់ចំនួន ៣ មុឺនផ្កាយរណប នៅឆ្នាំក្រោយឬនៅឆ្នាំបន្ទាប់ៗទៀត។
រំឮកផងដែរ ល្បឿនអ៊ឺនធើណិត Starlink គឺជាសេវាកម្មផ្គត់ផ្គង់សេវាអ៊ីនធើណិតដែលមានជម្រើសឲ្យអ្នកប្រើភ្ជាប់ពីផ្ដាយរណប SpaceX ផ្ទាល់តែម្ដង។ បច្ចុប្បន្ន ប្រជាជនកាណាដា និងអាមេរិកនៅតាមរដ្ឋឆ្ងាយៗកំពុងសាទរលើល្បឿនអ៊ឺនធើណិតដ៏លឿនរហ័សនិងថែមទាំងមានតម្លៃធូរថ្លៃទៀតផង។
អត្ថបទជាភាសាខ្មែរពីសេវាកម្មរបស់ Starlink សូមចុចនៅទីនេះ៕