• 2021-04-06 02:56:39
  • ព័ត៌មាន

​Elon Musk​ ​សារភាព​ថា​គ្មាន​ថ្ងៃ​ Tesla​ ​យក​ទិន្នន័យ​លួច​លាក់​ទៅ​ឲ្យ​រដ្ឋាភិបាល​អាមេរិច​

  • 2021-04-06 02:56:39
  • ចំនួនមតិ 0 | ចំនួនចែករំលែក 0

ចន្លោះមិនឃើញ

​លោក​ ​Elon Musk ​នាយក​ប្រតិបត្តិ​នៃ​ក្រុមហ៊ុន​ផលិត​រថយន្ត​អគ្គិសនី​ Tesla ​បាន​និយាយ​យ៉ាង​មុឹងម៉ាត់​ថា​៖ “​​ក្រុមហ៊ុន​ហ៊ាន​សន្យា​ថា​​ ​គ្មាន​ថ្ងៃ​ដែល​ Tesla ​ចែក​រំលែក​ឬ​យក​ទិន្នន័យ​អ្នក​ប្រើប្រាស់​រថយន្ត​នៅ​ចិន​ ​ឬ​នៅ​តាម​បណ្ដា​ប្រទេស​នានា​ ​ទៅ​ឲ្យ​រដ្ឋាភិបាល​អាមេរិច​នោះ​ទេ។​”

រូបតំណាង

​Elon Musk​ បាន​និយាយ​បន្ថែម​ទៀត​ថា​ ​ប្រសិន​បើ​ Tesla ​ប្រើប្រាស់​រថយន្ត​ទៅ​ធ្វើ​ចារកិច្ច​នៅ​ស្រុក​ចិន​ ​ម្ល៉េះ​សម​ហ្នឹង​ក្រុមហ៊ុន​របស់​លោក​ត្រូវ​គេ​បិទ​ចោល​តាំង​ពី​យូរ​ម្ល៉េះ។ ​នេះ​ជា​ការ​និយាយ​ក្នុង​ភាព​ជឿជាក់​ បន្ទាប់​ពី​ទទួល​បាន​សំណួរ​ចាក់​ដោត​​​ពី​អ្នក​សារព័ត៌មាន​ចិន​ជា​ភាសា​អង់គ្លេស​ CGTN ​ក្នុង​កម្មវិធី​ ​CD Forum ២០២១។

រំឮក​បន្តិច​ផង​ដែរ​ថា​ រឿងរ៉ាវ​ចម្រូង​ចម្រាស​ទាក់ទិន​នឹង ទិន្នន័យ​អ្នកប្រើប្រាស់​តែង​តែ​ជា​ប្រធាន​បទ​ក្ដៅ។ ជាក់ស្ដែង​ក្រុមហ៊ុនបច្ចេកវិទ្យា​ចិន​ Xiaomi ​ទើប​នឹង​រួច​ផុត​ពី​ការ​ចោទ​ប្រកាន់​ដោយ​ ក្រសួង​ការពារជាតិ​អាមេរិក។ ដោយឡែកជា​ការការពារ​ខ្លួន​និង​រក​ឃើញ​ថា​ក្រុមហ៊ុនហ្វេសប៊ុក​លួច​ទិន្នន័យ​ពី​អ្នកប្រើប្រាស់​នៅ​ចិន​ Facebook ​​ក៏​ធ្លាប់​ត្រូវ​បានរដ្ឋាភិបាល​ចិនសម្រេច​បិទ​ចោល​មិន​ឲ្យ​បើក​បានឡើយ​ តាំង​ពាក់កណ្ដាល​ពី​ឆ្នាំ ២០០៩ មក​ទល់​នឹង​បច្ចុប្បន្ន​៕

ប្រភព៖ CGTN ប្រែ​សម្រួល៖ រក្សា

មតិយោបល់