/Inter-28/606a903b53d29_1617596460_medium.jpg)
- 2021-04-05 04:29:02
- ព័ត៌មាន
លឿនដូចរន្ទះ! ល្បឿនដោនឡូត 528 Mbps របស់ក្រុមហ៊ុនអ៊ឺនធើណិតមួយនេះ
- 2021-04-05 04:29:02
- ចំនួនមតិ 0 | ចំនួនចែករំលែក 0
លឿនដូចរន្ទះ! ល្បឿនដោនឡូត 528 Mbps របស់ក្រុមហ៊ុនអ៊ឺនធើណិតមួយនេះ
ចន្លោះមិនឃើញ
ក្រុមហ៊ុនផ្តល់សេវាអ៊ឺនធើណិត Starlink របស់ SpaceX ត្រូវបានអ្នកប្រើប្រាស់រាយការណ៍មកថា ពួកគេទទួលបានល្បឿនដ៏លឿនបំផុតមួយដូចចិត្តពិតមែន។ ក្នុងនោះល្បឿនដោនឡូតដល់ទៅ 528 Mbps ឯល្បឿនអាប់ឡូតដល់ទៅ 28.3 Mbps ។
គួរលើកឡើងបន្តិចថា ល្បឿននេះស្ថិតក្នុងដំណាក់កាល Beta សាកល្បងដាក់ឲ្យប្រើប្រាស់មុនគេបង្អស់នៅក្នុងប្រទេសកាណាដា ដែលជាអតិថិជនដំបូងរបស់ក្រុមហ៊ុន Starlink ដែលជាក្រុមហ៊ុនផ្គត់ផ្គង់សេវាអ៊ីនធើណិតពីផ្ដាយរណប SpaceX ផ្ទាល់តែម្ដង។
សម្រាប់ដំណាក់កាល Beta នេះអាចតេស្តបានតែ ៥ ប្រទេសដំបូងមានដូចជា កាណាដា, ចក្រភពអង់គ្លេស, សហរដ្ឋអាមេរិក អាឡឺម៉ង់ និងញ៉ូហ្សឺឡែន។
អ្វីដែលគេចាប់អារម្មណ៍គឺសេវាកម្មនេះលោក Elon Musk ជាអ្នកសន្យាផ្ទាល់មាត់របស់លោក កាលពីពាក់កណ្ដាលខែកុម្ភៈកន្លងទៅ។ សហស្ថាបនិករូបនេះ បានបង្ហោះសារលើបណ្ដាញសង្គម Twitter ប្រាប់ទៅអ្នកគាំទ្រថា គម្រោងបង្កើនល្បឿនអ៊ីនធើណិត Starlink នឹងតំឡើងឲ្យបានចាប់ពី 150 ដល់ 300Mbps ឲ្យបាននៅក្នុងឆ្នាំនេះ។
ទោះជារកស៊ីក្រោយគេ Elon Musk ប្រកាសថាអាជីវកម្មផ្គត់ផ្គង់សេវាអ៊ិនធើណិត Starlink ទទួលបានអ្នកចុះឈ្មោះប្រើប្រាស់ច្រើនជាង ១ ម៉ឺននាក់ទាំងនៅអាមេរិកនិងកាណាដាត្រឹមតែ១ឆ្នាំ ប៉ុណ្ណោះ។
Elon Musk ធ្លាប់បានប្រាប់ពីគោលបំណងគឺដើម្បីផ្គត់ផ្គង់សេវាដល់តំបន់ដាច់ស្រយាលនិងព្រំប្រទល់អាមេរិក ឲ្យទទួលបានសេវាអ៊ិនធើណិតល្បឿនលឿនក្នុងការស្រាវជ្រាវនិងប្រើប្រាស់នានា។
រំឭកដែរថា អាជីវកម្មផ្កាយរណប Starlink របស់ក្រុមហ៊ុន SpaceX ទើបនឹងទទួលបានអាជ្ញាប័ណ្ណផ្លូវការកាលពីខែតុលាឆ្នាំ ២០២០ ដោយបាញ់បង្ហោះផ្កាយរណបសរុបចំនួន 11,943 គ្រឿង។ បន្ទាប់ពីជោគជ័យលើការបាញ់បង្ហោះនេះ Starlink ផ្តល់ជូនជាកញ្ចប់ Beta(តេស្ត) តម្លៃ ៩៩ ដុល្លារក្នុងមួយខែជាមួយនឹងល្បឿន 100/20Mbps កាលពីខែមិនាកន្លងទៅ បាញ់បង្ហោះបាន ២៤៩ គ្រឿងបន្ថែមទៀត។
បើអ្នករើសយកកញ្ចប់ Starlink Kit តម្លៃ ៤៩៩ ដុល្លារនឹងទទួលបាន User terminal និង Wi-Fi router ដើម្បីភ្ជាប់ផ្ទាល់ទៅកាន់ផ្កាយរណប។ សម្រាប់ល្បឿនដោនឡូតស្ថិតក្នុងចន្លោះពី 50–150 Mbps ប្រភេទ Unlimited data ។
Starlink ក៏បានក្លាយជាផ្កាយរណបចុងក្រោយបង្អស់ដែលបង្ហោះចូលគន្លងតារាវិថី កម្រិតទាបបំផុតចន្លោះ (៥៥០-៥៧០ គីឡូម៉ែត្រពីផែនដី) ដែលរយៈកម្ពស់នេះកំពុងមានជម្លោះជាមួយលោក Jeff Bezos នាយកប្រតិបត្តិក្រុមហ៊ុន Amazon ចុះបញ្ជីជាមួយ FCC លើអាជីវកម្មបាញ់បង្ហោះផ្ដាយរណបនេះដែរ៕
