ចំណូលរបស់ Huawei បានកើនឡើងពីឆ្នាំ២០១៩ ទៅឆ្នាំ២០២០ ប្រមាណ ៣,៨% ដោយរកបានទឹកប្រាក់ ១៣៦ពាន់លានដុល្លារ ក្នុងនោះផលចំណេញមានប្រមាណ ៩,៨៦ ប៊ីលានដុល្លារ ឬ ពាន់លានដុល្លារ កើនដល់ទៅ ៣,២% បើធៀបនឹង​ឆ្នាំមុន។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

គូសបញ្ជាក់ផង​ថា របាយការណ៍លក់របស់ Huawei មានដល់ទៅ ៦៦% នៅឆ្នាំ២០២០ ក្នុងទឹកដីប្រទេសចិន ដោយកើនឡើង ៥៩% លើសឆ្នាំមុន ចំណែកឯការលក់នៅលើទឹកដីអាមេរិច មានការធ្លាក់ចុះដល់ទៅ ២៤,៥% ឯណោះ។

កត់សម្គាល់ឃើញថា អាជីវកម្មសេវាទូរសព្ទរបស់​ Huawei នៅក្នុងប្រទេសចិន មានការកើនឡើងយ៉ាងឆាប់រហ័ស ព្រោះតែបច្ចេកវិទ្យា 5G របស់ខ្លួន ហើយក៏ឈានដល់ដាក់ពង្រាយសេវានេះទៅកាន់ ទឹកដីអឹរ៉ុប តំបន់មជ្ឈឹមបូពា និងអាហ្វ្រិច ផងដែរ។

ចំពោះទង្វើ​ដែលបានមក​ពីការដាក់ទណ្ឌកម្មរបស់​សហរដ្ឋ​អាមេរិច ធ្វើ​មកលើ Huawei ប៉ុន្មានឆ្នាំមកនេះវា​បាន​ក្លាយជាឆ្នាំដ៏លំបាកបំផុត​មួយរបស់ពួកគេ នេះបើតាមសម្ដីរបស់នាយកប្រតិបត្តិមួយ​រូប​ដែលសុំ​មិនបញ្ចេញឈ្មោះ ប៉ុន្តែទោះជាយ៉ាងណាក៏ដោយ បើបាត់បង់អាមេរិចដែលជាដៃគូរកស៊ីដ៏មានសក្ដានុពលមួយ ក៏មិនធ្វើឱ្យ Huawei ដួល​រលំដែរ ត្បិតនៅមាន ចិន ដែលជាទឹកដីកំណើតក៏ដូចជាឪពុកម្ដាយ ចាំជួយជ្រោមជ្រែងផលិតផលរបស់ក្រុមហ៊ុនមួយនេះជានិច្ច៕