- 2021-03-25 04:01:12
- ព័ត៌មាន
ទូរសព្ទមហាចម្លែកគ្មានកាមេរ៉ា គ្មានកម្មវិធី តែហ៊ានលក់ថ្លៃដល់ ៣០០ ដុល្លារ
- 2021-03-25 04:01:12
- ចំនួនមតិ 0 | ចំនួនចែករំលែក 0
ទូរសព្ទមហាចម្លែកគ្មានកាមេរ៉ា គ្មានកម្មវិធី តែហ៊ានលក់ថ្លៃដល់ ៣០០ ដុល្លារ
ចន្លោះមិនឃើញ
ទូរសព្ទមានឈ្មោះហៅក្រៅថា Dumb Phone ត្រូវបានសារព័ត៌មានអន្តរជាតិផ្នែកបច្ចេកវិទ្យាចុះផ្សាយឲ្យដឹងថា វាជាទូរសព្ទជំនាន់ទី ២ របស់ក្រុមហ៊ុនអាមេរិក Light មានឈ្មោះផ្លូវការថា Light Phone 2 ដំណើការដោយ LightOS បំពាក់ដោយប្រព័ន្ធ Touchscreen E-Ink ដូចស្មាតហ្វូនដែរ ក៏ប៉ុន្តែវាចម្លែកត្រង់ថា ក្រុមហ៊ុនហ៊ានលក់ថ្លៃដល់ ៣០០ ដុល្លារទាំងដែលវាគ្មានកាមេរ៉ាច្រើនគ្រាប់ ថែមទាំងគ្មានកម្មវិធីអ្វីទេសូម្បីតែហ្គេមស៊ីពស់ ក៏គ្មាន។
ទូរសព្ទដែលមានរាងជ្រុងទំហំប៉ុនបាតដៃនេះ បានត្រឹមតែស្ដាប់វិទ្យុឬចម្រៀង អាចផ្ញើរសារជាអក្សរឬសំឡេង និងខលចេញ-ចូលតែប៉ុណ្ណោះ។
ទូរសព្ទដែលមិនសូវល្បីឈ្មោះមួយគ្រឿងនេះ ត្រូវបានគេដាក់បន្ទះឈីប Qualcomm លេខ MSM8909W វាមានមុខងារប្រើប្រាស់សំខាន់ៗមិនច្រើននោះទេ បានត្រឹមការ Call ចេញចូល, ផ្ញើសារ, បំពាក់ប្រព័ន្ធ GPS, មើលអាកាសធាតុ និងកំណត់នាឡិការោទ៍។ វាមានជម្រើសតែមួយគត់គឺទំហំ RAM 1GB មេម៉ូរី 8GB មានរន្ធសាកថ្មល្បឿនលឿន USB Type-C ចំណែកឯថាមពលថ្មវិញតូចមែនទែនត្រឹមតែ ៥០០mAh ប៉ុន្តែធានាថាប្រើបានដល់ ៥ ថ្ងៃ។ ដោយឡែកលក្ខណៈសម្បត្តិឯទៀតត្រង់ចំណុច រន្ធដោតកាសទុកស្ដាប់ចម្រៀង។
ប្រភពដដែលបានបន្ថែមថា ក្រុមហ៊ុនបច្ចេកវិទ្យាអាមេរិក Light ខាងលើ មុននឹងផលិត The Light Phone ២ គេបានធ្វើគម្រោងរៃអង្គាសថវិកា ២៥០ ០០០ ដុល្លារលើគេហទំព័រ Indiegogo កាលពីឆ្នាំ ២០១៨ ។ រំលងបានជាង ២ ឆ្នាំក្រោយមកវាក៏បានកើតចេញជារូបរាងពិតមែន ហើយអ្វីគ្រប់យ៉ាងដូចមានរៀបរាប់ខាងលើអ៊ីចឹង ឥឡូវនេះ Light Phone 2 កំពុងដាក់លក់លើគេហទំព័រផ្លូវការរបស់ Light មាន២ពណ៍គឺ ពណ៌ប្រផេះ និងពណ៌ខ្មៅ។ តើអ្នកទាំងអស់គ្នាគិតថាចង់សាកវាដែរទេ?
សូមទស្សនាវីដេអូតេស្តកម្រិតភាពធន់រឹងមាំរបស់វា៖