ព្រោះបច្ចេកវិទ្យានេះសោះ ទើបអ្នកវិទ្យាសាស្ត្រផលិតវ៉ាក់សាំងកូវីដ១៩បានលឿនបំផុត

2021-03-22 02:02:36
ព័ត៌មាន

2021-03-22 02:02:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាធម្មតាដើម្បីផលិតវ៉ាក់សាំងថ្មីមួយបាន គឺត្រូវចំណាយពេលរាប់ឆ្នាំក្នុងការស្រាវជ្រាវ និងធ្វើតេស្តមើលលើប្រសិទ្ធភាពវ៉ាក់សាំងនោះ។ យ៉ាងណាក្ដីក្រុមហ៊ុនអាមេរិចពីរគឺក្រុមហ៊ុន Moderna និងក្រុមហ៊ុន Pfizer អាចផលិតវ៉ាក់សាំងកូវីដ១៩ បានក្នុងពេលដ៏ខ្លី ដោយសារការប្រើប្រាស់បច្ចេកវិទ្យា messenger RNA ឬហៅដោយខ្លីថា mRNA។

ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

ជាទូទៅការផលិតវ៉ាក់សាំង គឺត្រូឲ្យវ៉ាក់សាំងនោះមានផ្ទុកមេរោគប្រភេទខ្សោយ ឬមេរោគអសកម្ម ដោយត្រូវចាក់បញ្ចូលក្នុងរាងកាយ ដើម្បីបង្ខំឲ្យរាងកាយមនុស្សផលិតនូវអង្គបដិបក្ខសម្រាប់កម្ចាត់មេរោគនោះ។

ប៉ុន្ដែចំពោះវ៉ាក់សាំងរបស់ក្រុមហ៊ុន Moderna និងក្រុមហ៊ុន Pfizer ដែលផលិតដោយបច្ចេកវិទ្យា mRNA វិញគឺមិនទាមទារឲ្យមានផ្ទុកវីរុសកូរ៉ូណានោះទេ គឺអ្នកវិទ្យាសាស្ត្របង្កើតជារូបធាតុហ្សែន ដែលអាចបញ្ជាឲ្យខ្លួនប្រាណមនុស្សផលិតនូវអង្គបដិបក្ខដែលអាចសម្គាល់ និងកម្ចាត់វីរុសកូរ៉ូណាបាន។ គួរបញ្ជាក់ផងដែរថា បច្ចេកវិទ្យា mRNA គឺត្រូវបានស្រាវជ្រាវអស់រយៈពេលជាង ៣០ឆ្នាំ មកហើយ៕

ប្រភព៖ VOA News ប្រែសម្រួល៖ កុសល