- 2021-03-19 05:58:48
- ព័ត៌មាន
Mark បើកចិត្តទទួលយកមុខងារថ្មីធ្លាប់តែប្រឆាំងមិនឈប់ជាមួយ Apple
- 2021-03-19 05:58:48
- ចំនួនមតិ 0 | ចំនួនចែករំលែក 0
Mark បើកចិត្តទទួលយកមុខងារថ្មីធ្លាប់តែប្រឆាំងមិនឈប់ជាមួយ Apple
ចន្លោះមិនឃើញ
បន្ទាប់ពីមុខងារថ្មីគឺ App Tracking Transparency ត្រៀមបញ្ចេញលើ iOS 14.5 ធ្វើឱ្យនាយកប្រតិបត្តិក្រុមហ៊ុនហ្វេសប៊ុកមិនពេញចិត្តព្រមទាំងរិះគន់ទៅលើ Apple ថែមទៀតផង ថាជាទង្វើជ្រៀតជ្រែក ឬមានបំណងចង់វាយប្រហារលើអាជីវកម្មរបស់ខ្លួន។
រឿងរ៉ាវនេះបានឈានរហូតដល់ភាគីខាងហ្វេសប៊ុកចាយលុយធ្វើយុទ្ធនាការផ្សាយពាណិជ្ជកម្មប្រឆាំងនឹងមុខងារខាងលើ ហើយក៏មានគម្រោងត្រៀមរៀបចំពាក្យបណ្ដឹងទៅអាជ្ញាធរអាមេរិកទៀតផង។
យ៉ាងណាមិញពេលនេះ Facebook បានបើកភ្លើងខៀវយល់ស្របជាមួយ Apple ក្នុងករណីនេះវិញហើយ។ នេះបើយោងទៅលើកិច្ចប្រជុំក្នុងកម្មវិធីមួយឈ្មោះថា Clubhouse របស់លោក Mark Zuckerberg កាលពីល្ងាចថ្ងៃទី១៨ ខែមីនា។
នៅក្នុងកិច្ចប្រជុំនោះនាយកប្រតិបត្តិ Facebook បានបញ្ជាក់ថា វាអាចទៅរួច Facebook នៅតែស្ថិតក្នុងជំហរកាន់តែរឹងមាំ ប្រសិនណាបើការផ្លាស់ប្ដូររបស់ Apple ជម្រុញឱ្យអាជីវកម្មនានាកាន់តែពិបាកក្នុងការប្រើប្រាស់ទិន្នន័យ ដើម្បីស្វែងរកអតិថិជនមកដាក់ផ្សាយពាណិជ្ជកម្មជាមួយពួកគេ[Apple] នៅថ្ងៃអនាគត។
ដោយយោងតាមកិច្ចប្រជុំតាមប្រព័ន្ធឌីជីថលខាងលើអាចនិយាយបានថា នេះគឺជាសេចក្ដីថ្លែងការណ៍ដំបូងរបស់ Facebook ដែលមានភាពវិជ្ជមានទៅលើ Apple ចំពោះមុខងារថ្មី App Tracking Transparency ។
រំឮកផងដែរថាមុខងារថ្មី App Tracking Transparency គឺជាមុខងារដែលនឹងបើកសិទ្ធដល់អ្នកប្រើប្រាស់ថាគួរអនុញ្ញាតឱ្យកម្មវិធីណាមួយតាមដានទិន្នន័យប្រើប្រាស់របស់ពួកគេប្រចាំថ្ងៃ ឬក៏អត់៕
អត្ថបទបន្ថែម៖ -តាមទាន់ទើបដឹង! រឿងហេតុតឹងសរសៃកដាក់គ្នារាប់ឆ្នាំរបស់កំពូល CEO Apple និង Facebook