- 2021-03-05 03:33:53
- ព័ត៌មាន
ឡាន Tank មានបំពាក់ Option ពិសេសដូច Rolls-Royce នឹងមកដល់ខ្មែរឆាប់ៗ
- 2021-03-05 03:33:53
- ចំនួនមតិ 0 | ចំនួនចែករំលែក 0
ឡាន Tank មានបំពាក់ Option ពិសេសដូច Rolls-Royce នឹងមកដល់ខ្មែរឆាប់ៗ
ចន្លោះមិនឃើញ
បន្ទាប់ពីបានបង្ហាញខ្លួននៅក្នុងប្រទេសកម្ពុជាកាលពីដើមឆ្នាំមុនរួចមក ឥឡូវនេះរថយន្ត Rezvani Tank ជំនាន់ថ្មី នឹងលេចវត្តមាននៅក្នុងប្រទេសកម្ពុជា ក្នុងពេលឆាប់ៗខាងមុខនេះ។
បើតាមទំព័រផ្លូវការ Rezvani Tank Cambodia បានឲ្យដឹងថា រថយន្តប្រភេទ SUV ជំនាន់ថ្មីនោះ ក៏នឹងមានបំពាក់ Option ពិសេសមួយដូចរថយន្ត Rolls-Royce គឺ "ដំបូលផ្កាយ” ទៀតផង។
គួររំលឹកឲ្យដឹងថា កាលពីអំឡុងខែវិច្ឆិកា ឆ្នាំ ២០១៨ លោក ឧកញ៉ា ស្រី ចាន់ថន បានប្រកាសថាក្រុមហ៊ុនរបស់លោកទទួលបានសិទ្ធិ នាំចូលផ្ដាច់មុខនូវរថយន្តម៉ាក Rezvani របស់សហរដ្ឋអាមេរិក មកលក់នៅប្រទេសកម្ពុជា និងមានសិទ្ធចែកចាយបន្តទៅកាន់ ៥ ប្រទេសផ្សេងទៀត រួមមាន៖ សិង្ហបុរី, ម៉ាឡេស៊ី, ថៃ, វៀតណាម និងឡាវ។
រថយន្ត Rezvani Tank នេះមានចែកចេញជា ៣ ប្រភេទ។ ប្រភេទធូរជាងគេមានតម្លៃ ១៥៥ ០០០ ដុល្លារ (តម្លៃនៅបរទេស) ប្រើម៉ាស៊ីនកម្លាំង ២៨៥ សេះ ចំណុះ ៣,៦ លីត្រ ទំហំ ៦ ស៊ីឡាំង ប៉ុន្តែវាក៏មានជម្រើសម៉ាស៊ីន ៥០០ សេះ ចំណុះ ៦,៤ លីត្រ ៨ ស៊ីឡាំង ឬ ម៉ាស៊ីនម៉ាស៊ូត ២៨៥ សេះ ចំណុះ ៣,០ លីត្រផងដែរ។
រីឯ ២ ប្រភេទទៀតគឺបំពាក់ម៉ាស៊ីន Dodge Demon ចំណុះ ៦,២ លីត្រ ទំហំ ៨ ស៊ីឡាំង ដែលអាចបង្កើតកម្លាំងបានដល់ ១ ០០០ សេះ ជាមួយតម្លៃចាប់ពី ២៩៥ ០០០ ដុល្លារ (តម្លៃនៅបរទេស) សម្រាប់ប្រភេទ Tank Military Edition និងចាប់ពី ៣៤៩ ០០០ ដុល្លារ សម្រាប់ប្រភេទ Tank X៕
ចង់បានរថយន្តថ្មី ប៉ុន្តែមិនមានប្រាក់គ្រប់គ្រាន់ សូមកុំបារម្ភ! លោកអ្នកអាចស្នើសុំឥណទានរថយន្តរបស់ធនគារ CIMB ដែលផ្តល់ជូនអត្រាការប្រាក់ពិសេស ៨,៥% ទំហំឥណទានដល់ ៧០% និងរយៈពេលឥណទានដល់ ៥ឆ្នាំទៀតផង។ សម្រាប់ព័ត៌មានលម្អិត សូមជជែកជាមួយមន្ត្រីឥណទានរថយន្តរបស់ធនាគារ CIMB ដោយផ្ទាល់ តាមរយៈលេខទូរសព្ទ 096 669 2222 / 092 667 375 ៕
ប្រភពរូបភាព ៖ Rezvani Tank Cambodia