អ៊ីស្រាអែល និងប្រទេស១ទៀតចេញលិខិតឆ្លងដែនឌីជីថលកូវីដឲ្យពលរដ្ឋរួចរាល់!

2021-02-24 02:53:45
ព័ត៌មាន

2021-02-24 02:53:45
ចំនួនមតិ 0 | ចំនួនចែករំលែក 0

ចន្លោះមិនឃើញ

លិខិតឆ្លងដែនឌីជីថលកូវីដ ឬ វិញ្ញាបនបត្រឌីជីថល(Covid vaccine passport ឬ immunity passports) បានក្លាយជាការពិតហើយនៅក្នុងប្រទេសចំនួន២នោះគឺ អ៊ីស្រាអែល និងអ៊ីស្លង់។

ឯកសារឌីជីថលនេះធ្វើឡើង ដើម្បីបញ្ជាក់ថាបុគ្គលនោះបានចាក់វ៉ាក់សាំងកូវីដ១៩ រួចរាល់ឬ គ្មានផ្ទុកវិជ្ជមានកូវីដ១៩ ។ គិតមកទល់ពេលនេះមានក្រុមហ៊ុនជើងហោះហើរអ៊ីស្រាអែលនិងអន្តរជាតិចំនួន ៣ ចេញប្រកាសតម្រូវឲ្យគ្រប់អ្នកដំណើរត្រូវមាន វិញ្ញាបនបត្រឌីជីថល បញ្ជាក់ទើបមានសិទ្ធឲ្យអតិថិជនខ្លួនធ្វើដំណើរ។

ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

វិញ្ញាបនបត្រឌីជីថល Green Pass ដាក់ដំណើការនៅអ៊ីស្រាអែល

កាលពីពេលថ្មីៗនេះ រដ្ឋមន្ត្រីក្រសួងសុខាភិបាលអ៊ីស្រាអែល លោក Yuli Edelstein ក៏ទើបនឹងបានប្រកាសអនុញ្ញាតដាក់ឲ្យប្រើប្រាស់ "កម្មវិធី Green Pass” គឺជាប្រភេទលិខិតឆ្លងដែនឌីជីថល ដែលតម្រូវឲ្យអ្នកត្រូវស្កេនបញ្ជាក់ដែលឲ្យឈ្មោះថា QR-code-secured pass ។

សម្រាប់របៀបស្នើសុំវិញ្ញាបនបត្រឌីជីថល អ្នកត្រូវដោនឡូតកម្មវិធីឈ្មោះថា Ramzor app ទាំងនៅលើ Play Store និង App Store បំពេញព័ត៌មានផ្ទាល់ខ្លួនបន្ទាប់មកចូលទៅកាន់វិបសាយក្រសួងសុខាភិបាលត្រូវភ្ជាប់ទៅកាន់ *5400 នៅពេលអ្នកបានស្នើរួចរាល់ហើយនោះព័ត៌មានទាំងប៉ុន្មាននិងត្រូវរក្សាទុកក្នុង email របស់អ្នកបញ្ជាក់ថា អ្នកមានសិទ្ធទទួលបាន វិញ្ញាបនបត្រឌីជីថល។

ប្រទេសអ៊ីស្រាអែល ក៏ទើបនឹងបានបើកដំណើរការឡើងវិញនូវសកម្មភាពនានាដូចធម្មតាវិញដូចជា៖ ផ្សារទំនើប, កន្លែងហាត់ប្រាណ ឬសណ្ឋាគារ ជាដើម។

លិខិតឆ្លងដែនឌីជីថលកូវីដ

រូបតំណាង

ជម្រាបជូនផងដែរថា ក្រៅពីប្រទេសពីរខាងលើនៅមានប្រទេសស៊ុយអែតនិងដាណឺម៉ាក ក៏កំពុងរៀបចំដាក់ឲ្យដំណើរការវិញ្ញាបនបត្រឌីជីថលបញ្ជាក់ពីការចាក់វ៉ាក់សាំងកូវីដ១៩ នេះដូចគ្នា ដែលគ្រោងនឹងប្រកាសនាពេលខាងមុខឆាប់ៗនេះ៕

ប្រភព៖ Timesofisrael

អត្ថបទ៖ រក្សា