- 2021-02-23 03:48:33
- ព័ត៌មាន
Huawei Mate X2 ជាស្មាតហ្វូនអេក្រង់បត់ដំបូងបំផុត មានបំពាក់លែន Periscope
- 2021-02-23 03:48:33
- ចំនួនមតិ 0 | ចំនួនចែករំលែក 0
Huawei Mate X2 ជាស្មាតហ្វូនអេក្រង់បត់ដំបូងបំផុត មានបំពាក់លែន Periscope
ចន្លោះមិនឃើញ
Mate X2 ជាស្មាតហ្វូនបត់ចុងក្រោយបំផុតរបស់ Huawei ទើបប្រកាសចេញកាលពីថ្ងៃទី២២ ម្សិលមិញនេះ ហើយក៏ជាស្មាតហ្វូនមានអេក្រង់ដំបូងផងដែរ មានបំពាក់លែនកាមេរ៉ា Periscope មានកម្រិត Optical Zoom ដល់ទៅ ១០ដង ដែលសូម្បីតែ Galaxy Z Fold 2 ស្មាតហ្វូនបត់អេក្រង់ចុងក្រោយរបស់ Samsung ក៏មិនទាន់ហក់ដល់នោះដែរ។
លែនកាមេរ៉ា Periscope របស់ Mate X2 មានទំហំ 8 MP ដែល Huawei ហៅវាថា SuperZoom Camera។ លែននេះមាន aperture f/4.4 មានមុខងារ OIS និងទ្រទ្រង់មុខងារ AF សម្រាប់ទប់លំនឹងដោយស្វ័យប្រវត្តិថែមទៀតផង។ ខាងក្រោមនេះ ជាអ្វីដែលលែន periscope 8MP របស់ Mate X2 អាចធ្វើបាន។
ក្រៅពីលែន Periscope នៅផ្នែកកាមេរ៉ាក្រោយ វាក៏មានលែនដើមទំហំ 50 MP ប្រភេទ Wide Angle ប្រើសម្រាប់ថតរូប Selfie បានផងដែរ ព្រោះពេលបត់អេក្រង់ចេញ កាមេរ៉ានេះនឹងស្ថិតនៅស្របនឹងអេក្រង់ផ្នែកខាងមុខរបស់ស្មាតហ្វូន។ លែនបន្ទាប់ជាប្រភេទ Ultra-Wide Angle មានទំហំ 16 MP រីឯលែនចុងក្រោយជាប្រភេទ Telephoto ទំហំ 12 MP។
ចំពោះកាមេរ៉ាខាងមុខវិញ ប្រើប្រាស់លែនទូលាយ ទំហំ 16MP។ ចំពោះការថតវីដេអូ កាមេរ៉ាក្រោយអាចថតបានដល់កម្រិតខ្ពស់បំផុត 4K 60fps រីឯកាមេរ៉ាមុខថតខ្ពស់បំផុតបាន 1080p 30fps។
គួបញ្ជាក់ថាលែនកាមេរ៉ា Periscope នៅលើស្មាតហ្វូនអេក្រង់បត់បានវាជារឿងទី១ ប៉ុន្ដែវាមិនមែនជារឿងដំបូងនោះទេសម្រាប់ស្មាតហ្វូនអេក្រង់ធម្មតា ដូចជាស្មាតហ្វូនចុងក្រោយ Galaxy S21 Ultra របស់ Samsung មានបំពាក់លែនកាមេរ៉ា Periscope telephoto ទំហំ 10 MP មាន aperture f/4.9 ប្រើ OIS និងមានកម្រិត optical zoom ដល់ទៅ ១០ដង ផងដែរ៕