- 2021-02-19 02:44:23
- ព័ត៌មាន
ត្រួសៗពីប្រវត្តិ Mano Gaming មុនក្លាយជា Streamer ល្បីក្នុងវិស័យហ្គេមនៅខ្មែរ
- 2021-02-19 02:44:23
- ចំនួនមតិ 0 | ចំនួនចែករំលែក 0
ត្រួសៗពីប្រវត្តិ Mano Gaming មុនក្លាយជា Streamer ល្បីក្នុងវិស័យហ្គេមនៅខ្មែរ
ចន្លោះមិនឃើញ
Mano Gaming គឺជា Streamer ដ៏ល្បីមួយរូបដែលអ្នកលេងបណ្ដាញសង្គមហ្វេសបុក ពិសេសអ្នកស្នេហាវិស័យហ្គេមបានស្គាល់ច្បាស់រួចមកហើយ ដែលបានលេចមុខរាល់ថ្ងៃនៅលើហ្វេសបុកពីការឡាយលេងហ្គេម រួមជាមួយពាក្យសម្ដីនិយាយជាមួយហ្វេនមិនដាច់មួយម៉ាត់។
ធ្លាប់ស្គាល់តែនៅក្នុងការឡាយចុះបើនិយាយពីប្រវត្តិរបស់អ្នក Stream Game រូបនេះយ៉ាងណាវិញ? ថ្ងៃនេះ Sabay សូមបើកកាយរឿងផ្ទាល់ខ្លួនមួយចំនួនរបស់ Mano Gaming ដែលហ្វេនមួយចំនួនមិនធ្លាប់បានដឹងមុនពេលមានកេរ្តិ៍ឈ្មោះល្បីដូចបច្ចុប្បន្ន។
Mano Gaming មានឈ្មោះពិតថា ធាង វ៉ាធិប អាយុ ២៤ ឆ្នាំ ជាកូនទី២ ក្នុងគ្រួសារ មានបងប្អូន ៣ នាក់ សព្វថ្ងៃជាអ្នករស់នៅខេត្តឧត្តរមានជ័យ និងបានបញ្ចប់ការសិក្សាត្រឹមថ្នាក់ទី១២ ប៉ុណ្ណេះ។ ធាង វ៉ាធិប ចាប់ផ្តើមចូលចិត្តលេងកីឡា អេឡិចត្រូនិកនេះតាំងពីក្មេង និងបានចំណាយពេលច្រើនលើការលេងហ្គេមនេះចាប់ពីឆ្នាំ ២០០៩ តែដោយសារពេលនះខ្លួនមិនទានមានភាពជឿនលឿ ពីការប្រើប្រាស់ទូរសព្ទ ប្រព័ន្ធអុីនធើណេត និងបណ្ដាញសង្គមទើប ធាង វ៉ាធិប លេងហ្គេននេះគ្រាន់តែជាការសប្បាយកំដរការអផ្សុកបុ៉ណ្ណេះ។
ធាង វ៉ាធិប ថាមុនក្លាយជា Streamer ពីមុនខ្លួនគឺក៏ជា Youtuber ម្នាក់ដែលធ្វើវីដេអូ Game បង្ហោះក្នុង YouTube ។ ចាប់តាំងពី ខ្លួនបានប្រលោកចូលវិស័យ Esport នេះមក ធាង វ៉ាធិប ធ្លាប់បាទចូលរួមប្រកួតជាច្រើនដែលបានរៀបចំឡើងដោយក្រុមហ៊ុនក្នុងស្រុកដូចជាកាប្រកួតទៅលើវិញ្ញាសារ Game ជាដូចជា Mobile Legend, Rules Of Survival, League of Legend, AK Onilne, នឹងហ្គេមជាច្រើនទៀតផងដែល។
ដឹងខ្លួនថាចាប់ផ្ដើមចូលចិត្តលេងកីឡា ហ្គេមឬ អេឡិចត្រូនិចនេះកាន់តែខ្លាំង ធាង វ៉ាធិប បានចាប់ផ្ដើមស្វែងយល់បន្ថែមពីការលេងហ្គេមកាន់តែច្រើន នឹងចាប់ផ្តើមធ្វើការ Live Game នៅលើបណ្ដាញសង្គមហ្វេសបុកនៅដើមឆ្នាំ ២០២០ កន្លងទៅ និងបានធ្វើឲ្យខ្លួនចាប់ផ្ដើមទទួលបានការគាំទ្រជាច្រើនរហូតដល់មានហ្វេនគាំទ្ររាប់ពាន់នាក់។
ភាពល្បីល្បាញនេះហើយបានធ្វើឲ្យ ធាង វ៉ាធិប ទទួលបានការងារជាបន្តបន្ទាប់ជាអ្នកអធិប្បាយហ្គេមក្នុងការប្រកួតធំៗក្នុងស្រុក និងធ្វើជា MC នៅក្នុងការប្រកួតកីឡា Esport ផ្សេងៗជាច្រើនទៀតនាពេលកន្លងមក។ ក្រៅពីលេងហ្គេម ធាង វ៉ាធិប ក៏ចូលចិត្ត ច្រៀង លេងតន្រ្តី នឹង កីឡា និងមានក្តីស្រមៃក្រៅពីលេងហ្គេមចង់ក្លាយជាអ្នកចម្រៀងម្នាក់។
ឆ្លងតប់បន្ថែមជាមួយ Sabay បន្តមុនពេលមកដល់ថ្ងៃនេះ ធាង វ៉ាធិប ប្រាប់ថាខ្លួនមានឧបសគ្គជាច្រើនពេលកន្លងមកដូចជា គ្រួសារមិនគាំទ្រ សង្គមស្អប់ខ្ពើមជាច្រើនទៀតពីព្រោះពីមុនវិស័យ Esport នៅប្រទេសកម្ពុជាយើងមិនទាន់រីកចម្រើននៅឡើយទេ។ ធាង វ៉ាធិប បញ្ជាក់។ ធាង វ៉ាធិប ថាចាប់តាំងពីចាប់អាជីពជា Streamer មកគ្រួសារបងប្អូនចាប់ផ្តើមទទួលស្គាល់នឹងមានទំនាក់ទំនងល្អវិញហើយ ហើយពួកគាត់ក៏ជួយលើកទឹកចិត្តបន្ថែមទៀតផងដែរ។
មិនមែនជារឿងងាយស្រួលប៉ុន្មាន ធាង វ៉ាធិប ក្រោយពេលចាប់អាជីពជា Streamer នេះខ្លួនបានប្រាប់ថាមួយថ្ងៃគឺត្រូវ Live Game ចាប់ពី ៣ ទៅ ១០ ម៉ោងក៏មានក្នុង ១ថ្ងៃហើយក្រោយពីបញ្ចប់ការ Live ធាង វ៉ាធិប តែងតែស្រាវជ្រាវអំពីចំណេះដឹងទូទៅនៅលើ YouTube បន្ថែមទៀត។ ក្រៅពីអាជីពជា Streamer បច្ចុប្បន្ន ធាង វ៉ាធិប ក៏ជាអ្នករកសុីតាម Online មានផលិតផលផ្សេងៗផងជាច្រើនផងដែរ។
សម្រាប់អាជីពជា Streamer នេះគឺ ធាង វ៉ាធិប ថាគឺជាការងារមួយដែលខ្លួនស្រលាញ់តាំងពីក្មេងអឺចឹងហើយ ក៏បានធ្វើឲ្យ ខ្លួនប្រហែលជាមិនអាចបោះបង់ចោលទេ ប៉ុន្តែ ធាង វ៉ាធិប មានគម្រោងចង់បើកហាងលក់គ្រឿងសម្ភារ ទូរស័ព្ទ នឹង ហ្គេម នៅថ្ងៃខាងមុខបើខ្លួនមានលទ្ធភាព ពិសេសនឹងនៅតែមានអ្នកគាំទ្រដូចសព្វថ្ងៃ។
សាររបស់ធាង វ៉ាធិប ទៅកាន់ហ្វេន និងគ្រួសារ
«ជាចុងក្រោយសូមអរគុណទៅកាន់គ្រួសារ ដែលគាត់តែងតែផ្តល់កម្លាំងចិត្តឲ្យខ្ញុំបន្តមកដល់ពេលនេះ ហើយជាពិសេសនោះអរគុណទៅកាន់អ្នកគាំទ្រខ្ញុំបាទទាំងអស់តាំងពីខ្ញុំធ្វើ Youtuber រហូតដល់ក្លាយជា Streamer ដែលពួកគាត់តែងតែគាំទ្រលើកទឹកចិត្តនឹងផ្តល់កម្លាំចិត្តអោយខ្ញុំបាទមានថ្ងៃនេះអរគុណពួកគាត់ខ្លាំងមែនទែននឹងសង្ឈឹមថាពួកគាត់នឹងបន្តគាំទ្រខ្ញុំបាទរហូតតទៅមុខទៀត»៕