- 2021-02-15 02:27:23
- ព័ត៌មាន
បង្ហាញឈ្មោះពិត Streamer ស្រីល្បី ៥រូបនៅខ្មែរ កម្រមានអ្នកដឹង
- 2021-02-15 02:27:23
- ចំនួនមតិ 0 | ចំនួនចែករំលែក 0
បង្ហាញឈ្មោះពិត Streamer ស្រីល្បី ៥រូបនៅខ្មែរ កម្រមានអ្នកដឹង
ចន្លោះមិនឃើញ
អ្នកលេងបណ្ដាញសង្គមជាច្រើនដែលតែងតែស្រលាញ់ការលេងហ្គេម និងគាំទ្រការឡាយហ្គេមរបស់ Streamer ស្រុកខ្មែរច្បាស់ណាស់ប្រាកដជាបានស្គាល់ស្រីស្អាតទាំង ៥នាក់ខាងក្រោមនេះដែលកំពុងចាប់យកហ្វេនជាច្រើននៅលើបណ្ដាញសង្គមហ្វេសបុកនាពេលបច្ចុប្បន្ន។
ឃើញឡាយនៅលើហ្វេសបុករាល់ថ្ងៃ តែហ្វេនជាច្រើនប្រហែលជាមិនទាន់បានស្គាល់ឈ្មោះពិតរបស់ Streamer ស្រីទាំង ៥រូបនេះឡើយ ថ្ងៃនេះ Sabay នឹងបង្ហាញឈ្មោះពិតរបស់អ្នកឡាយហ្គេមល្បីឈ្មោះទាំង ៥រូបនេះមានដូចខាងក្រោម៖
១. Sea Neang Gaming មានឈ្មោះពិត សឿន ចាន់ស្រីរ័ត្ន
ជាកូនអ្នកភ្នំពេញ សៀ នាង ដែលមានឈ្មោះពិតថា សឿន ចាន់ស្រីរ័ត្ន ចាប់ផ្ដើមដឹងខ្លួនចូលចិត្តការលេង Game តាំងពីនៅក្មេងគួបផ្សំជាមួយការតាំងចិត្ត និងមានការលើកទឹកចិត្តពីគ្រួសារផងនេះបានធ្វើឲ្យ នាងក្លាយជាអ្នក Streamer ស្រីអាជីពមួយរូបប្រចាំនៅកម្ពុជា។ ចាប់ផ្ដើមចាប់អាជីពជា Streamer នៅដើមឆ្នាំ ២០១៩ និងមានអ្នកគាំទ្រកាន់តែច្រើនឡើងៗ។ ជាអ្នកឡាយហ្គេមមួយរូប តែស្រីរ័ត្ន មានទេពកោសល្យច្រើនក្រៅពីការលេង ហ្គេម ដូចជា ធ្វើជាអ្នក MC ការសម្ដែងផងដែរ និងអ្នកអធិប្បាយហ្គេមផងដែរ។
២. Dav Dav Gaming មានឈ្មោះពិត កែវ ដាវ
Dav Dav ដែលមានឈ្មោះពិត កែវ ដាវ បានចាប់អាជីពជា Streamer នៅដើមឆ្នាំ 2018 ដោយសារដឹងខ្លួនថាចាប់ផ្តើមចូលចិត្តការលេងហ្គេមតាំងពីពេញវ័យមកបានធ្វើឲ្យខ្លួនមានទេព្យកោសលខាងលេងហ្គេមនិងមានពាក្យសម្ដីចាក់ទឹកមិនលេចជាមួយហ្វេនគ្រប់ពេលឡាយម្ដងៗ។ ជាកូនអ្នកខេត្តសៀមរាប Dav Dav ក្រៅពីលេងហ្គេមបានប្រាប់ពីចំណង់ចំណូលចិត្តផ្សេងទៀតដូចជា Research ( YouTube ,Website ) និងស្វែងរកចំណេះដឹងថ្មីបន្ថែមទាក់ទង់ជាមួយការងារប្រចាំថ្ងៃ។ បច្ចុប្បន្ន Dav Dav បានបញ្ចប់ការសិក្សាហើយតែបែរជាមកធ្វើជាអ្នក Streamer ដើម្បីដើរតាមក្ដីស្រមៃរបស់ខ្លួនដែលស្រលាញ់តាំងពីតូចៗមក។
៣. Henaa Gaming មានឈ្មោះពិត សាន់ ច័ន្ទលក្ខិណា
Henaa Gaming ដែលមានឈ្មោះពិត សាន់ ច័ន្ទលក្ខិណា គឺជា Streamer មួយរូបដែលអ្នកលេងបណ្ដាញសង្គមជាច្រើននៅប្រទេសកម្ពុជាស្គាល់តាមរយៈការលេងហ្គេមឡាយនៅលើបណ្ដាញសង្គមហ្វេសបុក។ Henaa Gaming បានចាប់ផ្ដើមប្រឡូកចូលក្នុងវិស័យ Stream ហ្គេមនៅឆ្នាំ២០១៩ និងបានចាប់ផ្ដើមឡាយនៅលើហ្វេសបុកប្រហែលជាជាង ១ឆ្នាំប៉ុណ្ណោះ បានធ្វើឲ្យកញ្ញាមានភាពល្បីល្បាញនិងមានការងារជាច្រើននៅក្នុងវិស័យហ្គេមនេះមិនដាច់នាពេលបច្ចុប្បន្ន។
៤. VIVIANJOK3R មានឈ្មោះពិត តាំង ហ្កេចណៃ
ជាកូនអ្នកភ្នំពេញ កញ្ញា តាំង ហ្កេចណៃ បានចាប់ផ្ដើមចូលចិត្តលេងហ្គេម បានក្លាយជា Streamer នៅដើមឆ្នាំ២០២០។ កញ្ញាថា បើនិយាយពីរឿងលេងហ្គេមវិញលេងយូរហើយ តែលេងតែហ្គេមទូរសព្ទទេពីមុន ដល់ពេលក្លាយជា Streamer ក៏លេងគ្រប់ប្រភេទហ្គេមឲ្យតែមើលទៅទំនង និងអាចជាហ្គេមដែលផ្ដល់ការគិត មានភាពសប្បាយរីករាយ។ ក្រៅពីលេងហ្គេម ហ្កេចណៃ ក៏មានការងារជា Freelancer ផ្នែក Digital Marketing & Event នៅក្រុមហ៊ុនក្នុងស្រុកមួយ។ ហ្កេចណៃ ដែលអ្នកលេងបណ្ដាញសង្គមហ្វេសបុកជាច្រើនបានស្គាល់នៅពេលឡាយហ្គេមលេងម្ដងៗថា VIVIANJOK3R គឺជា Streamer មួយរូបកំពុងទទួលបានការគាំទ្រជាច្រើនពីអ្នកចូលចិត្តលេងហ្គេមផងដែរ។
៥. Babee Gaming មានឈ្មោះពិត ជ័យ អានីសា
មិនខុសពី Streamer ដទៃទៀតមានចិត្តស្រលាញ់ការលេងហ្គេមមិនដែលធុញ Babee Gaming ដែមានឈ្មោះពិត ជ័យ អានីសា គឺជាអ្នកឡាយហ្គេមមួយរូបកំពុងមានភាពល្បីល្បាញនៅលើបណ្ដាញសង្គមហ្វេសបុក និងមានអ្នកគាំទ្រជាច្រើនគ្រប់ពេលឡាយម្ដងៗ។ ជាកូនទី ៣ក្នុងគ្រួសារ មានបងប្អូន ៤នាក់ Babee Gaming បានប្រាប់ថាក្រោយពេលចាប់អាជីពអ្នក Stream Game ទាំងគ្រួសារមិត្តភក្តិសុទ្ធតែគាំទ្រទាំងអស់ មិនមានការជំទាស់ឡើយ។ កំពុងជោគ ជ័យនៅលើវិស័យនេះក៏ដោយ ប៉ុន្តែកញ្ញាមិនរំពឹងធ្វើវាបានយូរឡើយ អាចបន្តវាត្រឹម ២ឆ្នាំទៅមុនទៀត នឹងចាប់ផ្ដើមចំណាយពេលលើការងារច្រើនជាង និងប្រកបមុខរបស់ផ្ទាល់ខ្លួន។