- 2021-02-09 08:38:59
- ព័ត៌មាន
បិតា Huawei ហៅ iPhone 12 ថាជាស្មាតហ្វូនល្អដាច់គេ ហើយថាវាបានបញ្ជាក់រឿងមួយពី 5G របស់ Huawei
- 2021-02-09 08:38:59
- ចំនួនមតិ 0 | ចំនួនចែករំលែក 0
បិតា Huawei ហៅ iPhone 12 ថាជាស្មាតហ្វូនល្អដាច់គេ ហើយថាវាបានបញ្ជាក់រឿងមួយពី 5G របស់ Huawei
ចន្លោះមិនឃើញ
ពេលនិយាយជាមួយសារព័ត៌មានអន្តរជាតិនៅប្រទេសជាលើកដំបូង ក្រោយស្ងាត់អស់រយៈពេលជាង ១ឆ្នាំនោះ លោក Ren Zhengfei ជាស្ថាបនិកនិងជានាយកប្រតិបត្តិ Huawei បានបង្ហាញអំពីគោលបំណងចង់ជួបនិយាយជាមួយប្រធានាធិបតីអាមេរិកថ្មី និងសង្ឃឹមមានគោលនយោបាយបើកចំហពីរដ្ឋាភិបាលថ្មី។
លោក Zhengfei បាននិយាយថាដូចថា ៖ "ខ្ញុំអាចស្វាគមន៍ចំពោះការនិយាយទូរសព្ទ និងការឆ្លើយឆ្លងសារទាក់ទងនឹងការអភិវឌ្ឍន៍រួមគ្នា និងការចែករំលែកជោគជ័យ។ សហរដ្ឋអាមេរិកចង់ឲ្យសេដ្ឋកិច្ចរីកចម្រើន ហើយចិនក៏ចង់ឲ្យសេដ្ឋកិច្ចរីកចម្រើនដូចគ្នា។”
នាយកប្រតិបត្តិរូបនេះបានបន្តថា ៖ "ប្រសិនបើផលិតកម្មរបស់ Huawei អាចពង្រីកកាន់តែធំ នោះមានន័យថាមានឱកាសកាន់តែច្រើនសម្រាប់ក្រុមហ៊ុនអាមេរិកធ្វើការផ្គត់ផ្គង់។ ខ្ញុំជឿជាក់ថាវានឹងផ្ដល់ផលប្រយោជន៍ឲ្យទាំងសងខាង។ ខ្ញុំជឿថារដ្ឋាភិបាលថ្មីអាចនឹងពិចារណាលើផលប្រយោជន៍អាជីវកម្មនេះ ពេលដែលពួកគេត្រៀមសម្រេចចិត្តលើគោលនយោបាយថ្មី។ យើងនៅតែសង្ឃឹមថាពួកយើងអាចទិញវត្ថុធាតុ គ្រឿងបន្លាស់ និងឧបករណ៍ក្នុងទំហំធំពីសហរដ្ឋអាមេរិក ដូចនេះយើងនឹងបានផលប្រយោជន៍ទាំងអស់គ្នាពីការរីកចម្រើនរបស់ប្រទេសចិន។"
ទន្ទឹមនឹងនេះលោក Zhengfei ក៏បាននិយាយអំពី iPhone ជំនាន់ថ្មី ដោយលោកបានហៅ iPhone 12 ថាជាស្មាតហ្វូនល្អដាច់គេក្នុងលោក ហើយវាបានជួយដល់បណ្ដាញ 5G របស់ Huawei ផងដែរ។ លោកនិយាយថា ៖ "អតិថិជនធូរធារនៅប៉ែកអឺរ៉ុបស្រឡាញ់ Apple ហើយដោយសារ Huawei លែងមានស្មាតហ្វូនលំដាប់ខ្ពស់ (លក់លើទីផ្សារ) តទៀត ដូចនេះស្មាតហ្វូនរបស់ Apple បានជួយយើងក្នុងការបញ្ជាក់ថាបច្ចេកវិទ្យា 5G របស់ Huawei គឺល្អ៕”
