- 2021-02-09 07:00:29
- ព័ត៌មាន
អ្នកលក់ឡាន Toyota ដូចជឿជាក់ខ្លាំងលើ Tundra ស៊េរីឆ្នាំ ២០២២ ដែលប្ដូររូបរាងថ្មី
- 2021-02-09 07:00:29
- ចំនួនមតិ 0 | ចំនួនចែករំលែក 0
អ្នកលក់ឡាន Toyota ដូចជឿជាក់ខ្លាំងលើ Tundra ស៊េរីឆ្នាំ ២០២២ ដែលប្ដូររូបរាងថ្មី
ចន្លោះមិនឃើញ
កាលពីឆ្នាំ ២០២០ រថយន្ត Toyota ប្រមាណ ១០ម៉ឺនគ្រឿងបានលក់ចេញលើទីផ្សារសហរដ្ឋអាមេរិក ដែលចំនួនលក់នេះធ្លាក់ចុះ ២% ធៀបនឹងឆ្នាំ ២០១៩។ ចំនួនលក់នេះគឺមិនខ្លាំងក្លាប៉ុន្មានឡើយ ដោយហេតុថាលើសចំនួនលក់រថយន្ត Nissan Titan បន្តិចបន្តួចប៉ុណ្ណោះ ដែលរថយន្ត Nissan ស្ថិតនៅចំណាត់ថ្នាក់ក្រោមគេនៃបញ្ជីរថយន្តភីកអាប់លក់ដាច់ជាងគេនៅសហរដ្ឋអាមេរិក។
យ៉ាងណាក្ដី រថយន្ត Toyota Tundra ជំនាន់ថ្មីនឹងបង្ហាញវត្តមានឆាប់ៗនេះ ហើយឈ្មួញលក់រថយន្ត Toyota នៅសហរដ្ឋអាមេរិក ហាក់មានជំនឿជឿជាក់ខ្លាំងចំពោះរថយន្តភីកអាប់ជំនាន់ថ្មី ទោះបីជាវាមិនទាន់បង្ហាញមុខជាផ្លូវការក្ដី។
ក្នុងបទសម្ភាសន៍ជាមួយ Automative News ប្រធានក្រុមប្រឹក្សាឈ្មួញលក់រថយន្ត Toyota ប្រចាំសហរដ្ឋអាមេរិក លោក Robby Findlay បាននិយាយថារថយន្ត Tundra ថ្មីគឺជារថយន្តដែលគួរឲ្យចាប់អារម្មណ៍ខ្លាំងដាច់គេ ក្នុងរយៈពេល៥ឆ្នាំកន្លងមកនេះ។
លោក Findlay បានបញ្ជាក់ដូចនេះថា ៖ "បើតាមអ្វីដែលពួកគេ (Toyota) បានប្រាប់យើង យើងនឹងមាននូវរថយន្តភីកអាប់ល្អដាច់គេមួយ។ ខ្ញុំចង់និយាយថាយើងនឹងមានរថយន្តល្អដាច់គេលើលោក ហើយច្បាស់ជាល្អមើលនៅពេលរថយន្ត Tundra ត្រូវប្រកួតប្រជែងនឹងរថយន្តភីកអាប់ក្នុងស្រុក។”
បើតាមពាក្យចចាមអារ៉ាមកន្លងមកបានឲ្យដឹងថារថយន្ត Toyota Tundra ជំនាន់ថ្មីនឹងបង្ហាញវត្តមានក្នុងខែធ្នូ ចេញលក់ជាស៊េរីឆ្នាំ ២០២២ ដែលវានឹងប្រើគ្រោងឆ្អឹង TNGA-F និងអាចប្រើម៉ាស៊ីន Twin-Turbo ៦ស៊ីឡាំង៕
