- 2021-02-08 09:22:37
- ព័ត៌មាន
Elon Musk ប្រាប់ត្រង់ៗកុំឲ្យទិញឡាន Tesla នៅពេលរោងចក្រសម្រុកផលិត
- 2021-02-08 09:22:37
- ចំនួនមតិ 0 | ចំនួនចែករំលែក 0
Elon Musk ប្រាប់ត្រង់ៗកុំឲ្យទិញឡាន Tesla នៅពេលរោងចក្រសម្រុកផលិត
ចន្លោះមិនឃើញ
ក្នុងកិច្ចសម្ភាសន៍មួយទល់នឹងមួយជាមួយលោក Munro នាសប្ដាហ៍នេះ លោក Elon Musk នាយកប្រតិបត្តិ Tesla បានជម្រះមន្ទិលជុំវិញផលិតកម្មរបស់ក្រុមហ៊ុន ហើយបានណែនាំអំពីពេលវេលាល្អក្នុងការទិញរថយន្ត Tesla ថ្មីផងដែរ។
លោក Elon Musk បានទទួលស្គាល់ថាគុណភាពនៃការផលិតរថយន្ត Tesla ហាក់បានធ្លាក់ចុះនៅពេលដែល Tesla ខិតខំបង្កើនចំនួនផលិត ដែលបានធ្វើឲ្យទឹកថ្នាំរថយន្តមិនអាចស្ងួតបានស្រួលបួលនោះឡើយ។ នាយកប្រតិបត្តិរូបនេះបានណែនាំថា គួរតែទិញរថយន្ត Tesla នៅពេលទើបចាប់ផ្ដើមការផលិត ឬនៅពេលការផលិតឈានដល់កម្រិតមួយដែលមានស្ថិរភាព។
កាលពីឆ្នាំមុន ជាពិសេសនៅអំឡុងខែចុងក្រោយ Tesla បានខិតខំខ្លាំងក្នុងការដឹកជញ្ជូនរថយន្តឲ្យបានគ្រប់ ៥០ម៉ឺនគ្រឿង ដែលជាគោលដៅក្រុមហ៊ុនបានកំណត់។ ប៉ុន្តែដំណើរឆ្ពោះទៅសម្រេចគោលដៅបានជះផលអវិជ្ជមានដល់គុណភាពនៃការផលិតជាខ្លាំង៕