- 2021-02-04 02:16:58
- ព័ត៌មាន
ភ្ញាក់ផ្អើលនឹងលទ្ធផលតេស្តសមត្ថភាពកាន់ថ្មរវាង S21 Ultra ប្រើឈីប Exynos និង Snapdragon
- 2021-02-04 02:16:58
- ចំនួនមតិ 0 | ចំនួនចែករំលែក 0
ភ្ញាក់ផ្អើលនឹងលទ្ធផលតេស្តសមត្ថភាពកាន់ថ្មរវាង S21 Ultra ប្រើឈីប Exynos និង Snapdragon
ចន្លោះមិនឃើញ
អ្នកគាំទ្រ Samsung ប្រហែលជាបានដឹងហើយថាស្មាតហ្វូន Flagship ភាគច្រើនរបស់ Samsung គឺតែងមានប្រើប្រាស់បន្ទះឈីបពីរប្រភេទសម្រាប់លក់លើទីផ្សារផ្សេងៗគ្នាដែលមានបន្ទះឈីប Snapdragon និងឈីប Exynos ដែលជាឈីបផលិតដោយ Samsung។
កន្លងមកឈីប Exynos តែងតែទទួលបានការរិះគន់ពីអ្នកប្រើប្រាស់ដោយសារសមត្ថភាពរបស់វាមិនអាចប្រៀបនឹងឈីប Snapdragon បាន ទាំងលើល្បឿន និងលើសមត្ថភាពកាន់ថ្ម រហូតដល់មានការដាក់ញត្តិសុំឲ្យ Samsung ឈប់ប្រើឈីប Exynos។
យ៉ាងណាក្ដីមកដល់ជំនាន់ Galaxy S21 ក្រុមហ៊ុន Samsung នៅតែបន្តប្រើឈីបពីរប្រភេទ ដែលមួយជាប្រភេទ Exynos 2100 និងមួយទៀតជាប្រភេទ Snapdragon 888។ ការធ្វើតេស្តវាស់វែងលើសមត្ថភាព CPU និង GPU របស់ឈីប Exynos ថ្មីនេះបានបង្ហាញថាវាមានសមត្ថភាពអាចប្រៀបផ្ទឹមនឹងឈីបជំនាន់ចុងក្រោយរបស់ Qualcomm ប៉ុន្តែមិនទាន់ដឹងថាវាអាចកាន់ថ្មបានប្រសើរជាងមុនឬយ៉ាងណានោះទេ។
ពេលនេះការប្រៀបធៀបសមត្ថភាពកាន់ថ្មរវាង Galaxy S21 Ultra ប្រើឈីប Exynos 2100 និង Galaxy S21 Ultra ប្រើឈីប Snapdragon 888 ត្រូវបានបញ្ចេញឡើងលើបណ្ដាញ YouTube ក្រោយពីស្មាតហ្វូននេះបានចេញលក់លើទីផ្សារជាផ្លូវការ។
បើតាមការធ្វើតេស្តរបស់គណនីឈ្មោះថា Golden Reviewer បានបង្ហាញលទ្ធផលមួយដ៏ភ្ញាក់ផ្អើល ដោយទីបំផុតទៅឈីប Exynos របស់ Samsung អាចប្រៀបផ្ទឹមនឹងឈីប Snapdragon របស់ Qualcomm ទាំងលើល្បឿនដំណើរការ និងលើសមត្ថភាពកាន់ថ្ម។ ទស្សនាវីដេអូខាងក្រោម ៖