- 2021-02-01 03:33:09
- ព័ត៌មាន
នៅស្រុកកំណើតម្លៃជិត៣ម៉ឺនដុល្លារ មកដល់សិង្ហបុរីតម្លៃហក់ឡើង ១២ម៉ឺនដុល្លារ
- 2021-02-01 03:33:09
- ចំនួនមតិ 0 | ចំនួនចែករំលែក 0
នៅស្រុកកំណើតម្លៃជិត៣ម៉ឺនដុល្លារ មកដល់សិង្ហបុរីតម្លៃហក់ឡើង ១២ម៉ឺនដុល្លារ
ចន្លោះមិនឃើញ
បន្ទាប់ពីបានចេញលក់ក្នុងទីផ្សារប្រទេសជប៉ុនអស់មួយរយៈរួចមក នាពេលនេះ Toyota ចាប់ផ្ដើមបញ្ចេញលក់រថយន្ត Toyota Harrier ស៊េរីឆ្នាំ ២០២១ នៅទីផ្សារអាស៊ីអាគ្នេយ៍ដោយចាប់ផ្ដើមដំបូងពីប្រទេសសិង្ហបុរី ហើយអាចប្រទេសម៉ាឡេស៊ីអាចជាទីផ្សារបន្ទាប់។
Toyota Harrier ស៊េរីឆ្នាំ ២០២១ ដែលមានរចនាបថរូបរាងថ្មីទាំងស្រុង ទទួលបានការពេញនិយមខ្លាំងបំផុតនៅប្រទេសជប៉ុន រហូតដល់អតិថិជនដែលកុម្ម៉ង់ទិញត្រូវធ្វើការរង់ចាំជាច្រើនខែ។ នៅជប៉ុនរថយន្តនេះគឺមានតម្លៃចាប់ពីប្រមាណ ២៨ ៥៥០ដុល្លារ រហូតដល់ប្រមាណ ៤៨ ១៤០ដុល្លារ ដែលជាតម្លៃខ្ពស់ជាងគេ។
សម្រាប់រថយន្តដែលដាក់លក់នៅសិង្ហបុរីគឺមានចែកចេញជាពីរប្រភេទ មួយគឺ Toyota Harrier Elegance និងមួយទៀតជា Hybrid Luxury។ ប្រភេទ Elegance គឺមានតម្លៃប្រមាណ ១២១ ១០០ដុល្លារ ហើយប្រភេទ Hybrid Luxury វិញមានតម្លៃប្រមាណ ១៣០ ៨៨០ដុល្លារ។
ប្រភេទ Elegance គឺមានប្រើប្រាស់ម៉ាស៊ីនចំណុះ ២,០លីត្រ ៤ស៊ីឡាំង ដែលអាចផលិតកម្លាំងបាន ១៦៩សេះ ជាមួយប្រអប់លេខប្រភេទ CVT។ ចំណែកប្រភេទ Hybrid Luxury មានប្រើម៉ាស៊ីនចំណុះ ២,៥លីត្រ ៤ស៊ីឡាំង អមនឹងម៉ូទ័រអគ្គិសនីមួយ ដែលផលិតកម្លាំងសរុបបាន ២១៥សេះ និងប្រើប្រាស់ប្រអប់លេខ e-CVT៕