- 2021-02-01 01:48:07
- ព័ត៌មាន
មើលតួលេខបានដឹងថា LG ដូចដុតលុយចោលទទេៗ
- 2021-02-01 01:48:07
- ចំនួនមតិ 0 | ចំនួនចែករំលែក 0
មើលតួលេខបានដឹងថា LG ដូចដុតលុយចោលទទេៗ
ចន្លោះមិនឃើញ
កន្លងទៅថ្មីៗនេះ ការពិចារណាដកខ្លួនចេញពីឧស្សាហកម្មស្មាតហ្វូនរបស់ក្រុមហ៊ុនផលិតទូរសព្ទកូរ៉េខាងត្បូង LG បានក្លាយជាប្រធានបទគួរឲ្យចាប់អារម្មណ៍មួយ ហើយហេតុផលដ៏ច្បាស់លាស់មួយនៃការពិចារណានេះគឺដោយសារ LG Mobile ខំធ្វើប្រតិបត្តិការទាំងខាតបង់ទឹកប្រាក់។
បើតាមលទ្ធផលនៃប្រាក់ចំណូលប្រចាំត្រីមាសទី៤ ឆ្នាំ ២០២០ និងលទ្ធផលពេញមួយឆ្នាំ ២០២០ ដែល LG Mobile ទើបបានចេញផ្សាយ បានបង្ហាញថាអាជីវកម្មស្មាតហ្វូនរបស់ LG មានការខាតបង់ទឹកប្រាក់ប្រមាណ ៧៥០,៦៣លានដុល្លារ ក្នុងពេញមួយឆ្នាំ ២០២០។
គ្រាន់តែការខាតបង់នៅត្រីមាសទី៤ (ចាប់ពីខែតុលា ដល់ខែធ្នូ) ឃើញថា LG Mobile បានខាតបង់ទឹកប្រាក់រហូតដល់ប្រមាណ ២២២លានដុល្លារ ដែលជាការខាតបង់ជាប់គ្នាចំនួន ២៣ត្រីមាសហើយ។
ត្បិតថាមានបញ្ហាខាងផ្នែកហិរញ្ញវត្ថុធ្ងន់ធ្ងរមែន ប៉ុន្តែ LG ជឿជាក់ថាការរីកចម្រើននៃសេវា 5G នឹងនាំឲ្យមានតម្រូវការច្រើនលើស្មាតហ្វូនរបស់ខ្លួន ដែល LG រំពឹងថាអាចនឹងវិលត្រឡប់ទៅកាន់ស្ថានភាពមុនពេលផ្ទុះកូវីដ១៩ នៅក្នុងឆ្នាំ ២០២១ នេះ។
របាយការណ៍ក៏មានការបញ្ជាក់ផងដែរថា LG នឹងធ្វើការវាយតម្លៃអំពីទិសដៅនៃអាជីវកម្មស្មាតហ្វូនរបស់ខ្លួន ហើយនឹងចែករំលែកអំពីទិសដៅអាជីវកម្មនៅពេលមានការកំណត់រួចរាល់៕