- 2021-01-29 02:51:44
- ព័ត៌មាន
កាមេរ៉ារបស់ Xperia 1 II មិនលេចធ្លោលើសស្មាតហ្វូនអាយុ ២ឆ្នាំ
- 2021-01-29 02:51:44
- ចំនួនមតិ 0 | ចំនួនចែករំលែក 0
កាមេរ៉ារបស់ Xperia 1 II មិនលេចធ្លោលើសស្មាតហ្វូនអាយុ ២ឆ្នាំ
ចន្លោះមិនឃើញ
ក្រោយពី Sony Xperia 1 II បានប្រកាសចេញជិត១ឆ្នាំ DxOMark បានបញ្ចេញលទ្ធផលនៃការធ្វើតេស្តកាមេរ៉ារបស់ស្មាតហ្វូននេះ ដែលលទ្ធផលគឺមិនជាអស្ចារ្យប៉ុន្មានឡើយ។
ពិន្ទុសរុបដែល Xperia 1 II ទទួលបានពី DxOMark គឺមានត្រឹម ១១២ពិន្ទុប៉ុណ្ណោះ ដែលស្ថិតនៅពីក្រោយ Galaxy S10+ និង OnePlus 7 Pro ដែលជាស្មាតហ្វូនមានអាយុកាលពីរឆ្នាំទៅហើយ។ ប៉ុន្តែ Xperia 1 II ស្មើគ្នានឹង Galaxy Note20 ប្រភេទធម្មតាដែលចេញកាលពីចុងឆ្នាំ ២០២០។
ចំណុចខ្សោយរបស់ Xperia 1 II គឺកម្រិត Dynamic Range មិនទូលាយនៅពេលថតរូបភាពនៅទីងងឹត, Autofocus មិនដំណើរការរលូនល្អ, សាច់រូបភាពថតចេញពីកាមេរ៉ា Telephoto មិនម៉ត់ស្អាត និងបញ្ហាជាមួយមុខងារ Autofocus និង Dynamic Range ពេលថតវីដេអូ។
យ៉ាងណាក្ដីចំណុចលេចធ្លោរបស់ Xperia 1 II គឺវាមានកម្រិតគ្រាប់ Noise ទាបនៅពេលថតក្រោមស្ថានភាពពន្លឺមិនគ្រាប់គ្រាន់ និងសមត្ថភាព Dynamic Range ទូលាយអំឡុងពេលថតរូបភាពនៅពេលថ្ងៃ។ បន្ថែមពីនេះរូបភាព Ultrawide ផលិតដោយ Xperia 1 II ក៏មានគុណភាពល្អផងដែរ៕