- 2021-01-20 07:39:27
- ព័ត៌មាន
ទីបំផុតសេដ្ឋី Jack Ma បង្ហាញមុខជាសាធារណៈ ប៉ុន្តែមិនបានបកស្រាយរឿងបាត់មុខយូរខែ
- 2021-01-20 07:39:27
- ចំនួនមតិ 0 | ចំនួនចែករំលែក 0
ទីបំផុតសេដ្ឋី Jack Ma បង្ហាញមុខជាសាធារណៈ ប៉ុន្តែមិនបានបកស្រាយរឿងបាត់មុខយូរខែ
ចន្លោះមិនឃើញ
មហាសេដ្ឋី Jack Ma បានលេចមុខជាសាធារណៈវិញក្រោយពីបានបាត់មុខអស់ជាច្រើនខែពីក្រសែភ្នែកមហាជន ដែលនាំឲ្យមានការព្រួយបារម្ភអំពីសុវត្ថិភាពរបស់លោក។
តាមប្រភពជិតស្និទ្ធនឹងរឿងនេះ លោក Jack Ma បានបង្ហាញមុខក្នុងវីដេអូផ្សាយផ្ទាល់នាថ្ងៃពុធនេះ ដែលនិយាយអំពីគ្រូបង្រៀន សម្រាប់កម្មវិធីប្រចាំឆ្នាំដែលលោករៀនចំឡើងដើម្បីលើកដំឡើងដល់គ្រូបង្រៀននៅតំបន់ក្រីក្រ ដាច់ស្រយាល។
ត្បិតថាមិនមានការបញ្ជាក់ច្បាស់ថាបច្ចុប្បន្នលោក Jack Ma ស្ថិតនៅទីណា ប៉ុន្តែការបង្ហាញមុខរបស់លោកអាចបញ្ជាក់បានថាលោកមានសុវត្ថិភាព មិនមានបញ្ហាអ្វីកើតឡើងចំពោះរូបលោកឡើយ។
លោក Jack Ma បានបាត់មុខតាំងពីដើមខែវិច្ឆិកាឆ្នាំមុន បន្ទាប់ពីនិយតករចិនបានរារាំងការដាក់លក់ភាគហ៊ុនជាសាធារណៈក្នុងទំហំទឹកប្រាក់ ៣៥ពាន់លានដុល្លាររបស់ក្រុមហ៊ុនហិរញ្ញវត្ថុ Ant ដែលជាក្រុមហ៊ុនបង្កើតឡើងដោយលោក Jack Ma ដែលក្រោយមកទៀតនិយតករចិនបានបន្តបើកការស៊ើបអង្កេតលើក្រុមហ៊ុន Alibaba ជុំវិញករណីរំលោភសេចក្ដីទុកចិត្តផងដែរ៕
