- 2021-01-19 04:26:37
- ព័ត៌មាន
App Gallery កើនចំនួនអ្នកប្រើ ៥០០ លាននាក់ជាប្រចាំថ្ងៃ ស្មើកំណត់ត្រាដ៏អស្ចារ្យ Telegram
- 2021-01-19 04:26:37
- ចំនួនមតិ 0 | ចំនួនចែករំលែក 0
App Gallery កើនចំនួនអ្នកប្រើ ៥០០ លាននាក់ជាប្រចាំថ្ងៃ ស្មើកំណត់ត្រាដ៏អស្ចារ្យ Telegram
ចន្លោះមិនឃើញ
App Gallery គឺជាបណ្ដុំកម្មវិធីផ្ដាច់មុខក៏ដូចជា eco-system ឬ Huawei Mobile Services (HMS) របស់ក្រុមហ៊ុន Huawei ដែលទើបនឹងប្រកាសចេញផ្លូវការ កាលពីឆ្នាំមុន ។
ទិន្នន័យចេញផ្សាយដោយ HuaweiCentral បានរំលេចឲ្យដឹងនូវជោគជ័យដ៏ត្រចះត្រចង់គឺ App Gallery ថ្មីនេះទទួលបានអ្នកប្រើប្រាស់ កើនដល់ ៥០០ លាននាក់ជាប្រចាំថ្ងៃ (active user) និងមានអ្នកចុះឈ្មោះអភិវឌ្ឍន៍កម្មវិធី (Developer) ច្រើនជាង ២ លាននាក់នៅដំណាច់ឆ្នាំ ២០២០ ព្រមទាំងគ្របដណ្ដប់ច្រើនជាង ១៨ ប្រភេទលើកម្មវិធីអនឡាញដូចជា ព័ត៌មាន, បណ្ដាញសង្គម និងការកម្សាន្ត។
លោក Wang Yanmin ជាប្រធានគ្រប់គ្រងទូទាំងសាកលនៃ Eco-Development របស់ក្រុមហ៊ុន Huawei បានមានប្រសាសន៍ថា "ពួកយើងមានគោលដៅចម្បង៣ចំណុចគឺ ដំបូងធ្វើឲ្យវាកើនលើស ៨០% នៃ mainstream apps , ជំហានបន្ទាប់គឺ ប្រែក្លាយជាដំណោះស្រាយបញ្ហាជាង ១២០០០ កម្មវិធីទូទាំងសាកល និងជំហានទី៣ ធ្វើយ៉ាងណាឲ្យវាក្លាយជា ប្រព័ន្ធដែលអាចដំណើរការ ដោយខ្លួនឯងលើបញ្ហាទាំងឡាយលើ Apps”។
App Gallery ក៏ទើបនឹងឌីហ្សាញអាប់ដែតថ្មីលើផ្ទាំង Interface និងមុខងារផ្សេងៗទៀតដូចជា ជម្រើសបញ្ចុះតម្លៃថែមទៀតដូចជា៖ Cashback discount, Lucky draw និង Challenges with reward សម្រាប់ឲ្យអ្នកប្រើប្រាស់់អាចទិញ ឬសាកល្បងកម្មវិធីថ្មី។ ម្យ៉ាងទៀត វាក៏មានមុខងារដូច Store ដទៃដែរគឺ reviews និង rating ឲ្យផ្កាយដល់កម្មវិធីដែលអ្នកគិតថា ល្អប្រើ។ មុខងារ Feature Tab បានអាប់ដែតរបៀបប្រើប្រាស់គឺ scroll អូសឡើងលើ, បន្ថែមកម្មវិធីថ្មីបំផុត-ចាស់បំផុត និងកម្មវិធីណាល្បីជាងគេជាមួយនឹង រូបភាព, ការណែនាំ(guide) និងអត្ថបទខ្លីៗទាក់ទងនឹង app នោះ។
ជម្រាបជូនដែរថា បច្ចុប្បន្ន App Gallery ដាក់ដំណើរការជាង ១៧០ ប្រទេសរួចរាល់ហើយ និងជាពិសេសការអាប់ដែតថ្មីខាងលើនឹងបង្ហាញមុខឆាប់ៗនេះនៅលើ Store ប្រទេសអឺរ៉ុបដូចជា៖ ស្វីស, ន័រវេស, ហ្វាំងឡង់, ដាណឺម៉ាក, រ៉ូម៉ានី, សាធារណៈរដ្ឋឆែក, ប៉ូឡូញ, ប៉ុលការី, ប៉ូឡូញ, ទួរគី, អូទ្រីស, លីទុយអានី, ហុងគ្រី និងអ៊ុយក្រែន ជាដើម៕
-Telegram កើនចំនួនអ្នកប្រើប្រាស់ជាប្រចាំថ្ងៃដល់ ៥០០ លាននាក់