- 2021-01-18 06:40:03
- ព័ត៌មាន
Apple ពិចារណានាំទ្រនាប់ស្កេនម្រាមដៃមកវិញ ហើយអាចដករន្ធសាកចេញពី iPhone 13
- 2021-01-18 06:40:03
- ចំនួនមតិ 0 | ចំនួនចែករំលែក 0
Apple ពិចារណានាំទ្រនាប់ស្កេនម្រាមដៃមកវិញ ហើយអាចដករន្ធសាកចេញពី iPhone 13
ចន្លោះមិនឃើញ
iPhone 13 ដែលនឹងបង្ហាញវត្តមាននៅចុងឆ្នាំនេះ នឹងមិនមានការផ្លាស់ប្ដូររូបរាងនោះឡើយ ប៉ុន្តែវាអាចនឹងមានការបន្ថែមនូវទ្រនាប់ស្កេនម្រាមដៃក្រោមអេក្រង់។ នេះបើតាមការចុះផ្សាយរបស់ Bloomberg ដែលបានឲ្យដឹងថា Apple កំពុងចាប់ផ្ដើមធ្វើតេស្តលើមុខងារមួយនេះ។
ការចុះផ្សាយរបស់ Bloomberg បានអះអាងថា Apple នឹងមិនបោះចោល Face ID នោះទេ ប៉ុន្តែ Apple បានពិភាក្សាអំពីការដករន្ធសាកថ្មចេញពី iPhone ជំនាន់ថ្មីមួយចំនួន ដើម្បីជំរុញការសាកថ្មដោយប្រើខ្សែ ជាពិសេសគឺការលក់ឧបករណ៍សាកដែកឆក់ MagSafe របស់ខ្លួន។
គួរដឹងថាចាប់ផ្ដើមពី iPhone X មក (លើកលែងតែ iPhone SE ឆ្នាំ ២០២០) គឺលែងមានបំពាក់ទ្រនាប់ស្កេនម្រាមដៃ Touch ID ដោយបានប្ដូរមកប្រើប្រាស់មុខងារដោះសោដោយផ្ទៃមុខ Face ID ជំនួសវិញ។
យ៉ាងណាក្ដី Face ID បានក្លាយជាវិធីសាស្ត្រពិបាកមួយក្នុងអំឡុងពេលផ្ទុះជំងឺកូវីដ១៩ ដោយសារបច្ចេកវិទ្យានេះមិនអាចដោះសោពេលដែលប្រើប្រាស់មានពាក់ម៉ាសមុខនោះទេ។ ដូចនេះត្រូវទាញម៉ាសចេញ ឬត្រូវបញ្ចូលលេខកូដដើម្បីដោះសោ iPhone៕