- 2021-01-16 10:56:42
- ផលិតផលថ្មី
វីដេអូដំបូង បង្ហាញពីរូបរាងម៉ូតូ Honda PCX160 2021 មានអីប្លែកខ្លះ?
- 2021-01-16 10:56:42
- ចំនួនមតិ 0 | ចំនួនចែករំលែក 0
វីដេអូដំបូង បង្ហាញពីរូបរាងម៉ូតូ Honda PCX160 2021 មានអីប្លែកខ្លះ?
ចន្លោះមិនឃើញ
Honda PCX160 ស៊េរីឆ្នាំ២០២១ ជាផ្លូវការ មានហ្វេនជាច្រើននៅខ្មែរកំពុងទន្ទឹងរង់ចាំពេលនេះវត្តមានរបស់វាបានមកដល់ហើយ។ ម៉ូតូ PCX 160ថ្មីនេះដោយចែកចេញជា ២ ម៉ូដែល គឺ PCX160 និង PCX e: HEV (Hybrid) បានផ្លាស់ប្តូរការឌីហ្សាញច្រើន ខុសពីស៊េរីមុនៗដែលអាចធ្វើឲ្យអ្នកគាំទ្របាក់ចិត្តស្រលាញ់កាន់តែខ្លាំង។ Honda PCX ស៊េរីថ្មីនេះមានបំពាក់ចង្កៀងមុខ LED ចង្កៀងក្រោយរាងអក្សរ X ឌីហ្សាញបែប 3D, កុងទ័រ LED ថ្មី ចែកចេញជា ៣ផ្នែក, រន្ធសាកភ្លើង USB Type-C និង ប្រព័ន្ធ Smartkey។
"")
បើនិយាយពីកម្រិតស៊ីសាំងវិញ ម៉ូតូ PCX160 ស៊ី ៥៣,៥គីឡូម៉ែត្រ/លីត្រ ហើយ PCX e: HEV ស៊ី ៥៥,៤គីឡូម៉ែត្រ/លីត្រ។ PCX160 មានឃ្លុបក្រោមកែបចំណុះ ៣០លីត្រ ខណៈម៉ូដែល PCX e: HEV មានតែ ២៤លីត្រប៉ុណ្ណោះ។ PCX160 បំពាក់ម៉ាស៊ីន eSP+ ថ្មី ទំហំ ១ស៊ីឡាំង មានធុងទឹកស្អំ ប្រើប៊ិចសាំង Fi មានកម្លាំង ១៦០សេសេ។ ដោយឡែកចំពោះ PCX e: HEV វិញ គឺប្រើម៉ាស៊ីន Hybrid ដោយគួបផ្សំម៉ាស៊ីនកម្លាំង ១៦០សេសេ ជាមួយម៉ូទ័រអគ្គិសនី និងកញ្ចប់អាគុយអគ្គិសនីមួយ។
ទស្សនាវីដេអូបង្ហាញពីរូបរាង ម៉ូតូ PCX160 ឆ្នាំ ២០២១ មានអីប្លែកខ្លះ៖
PCX160 នេះក៏មានមុខងារ HSTC torque control system, ហ្វ្រាំង ABS, កាំមុខ ១៤អ៊ីញ និង កាំក្រោយ ១៣អ៊ីញ។ តាមប្រភពពីអ្នកម្នាក់នៅខ្មែរបានបង្ហើបប្រាប់ PCX160 ស៊េរីថ្មីនេះនឹងមកដល់ខ្មែរនៅចុងខែនេះ ឬដើមខែក្រោយ។ Honda PCX 160 នេះមានតម្លៃប្រមាណជា ៥ ៥០០ ទៅ ៦ ០០០ដុល្លារ (តម្លៃប៉ាន់ស្មាន)៕